1.1. Осы Шарт (бұдан әрі – Оферта, Келісім) Қазақстан Республикасының Азаматтық кодексіне сәйкес жария оферта болып табылады және құқық иесі әрі операторы «Grand era» ЖШС (бұдан әрі – Vlife Операторы) болып есептелетін Vlife Club адалдық бағдарламасына (бұдан әрі – Vlife) Тұтынушының қатысу тәртібін белгілейді. Осы Келісім Тұтынушы мен Vlife Операторы арасындағы заңды күші бар келісім болып табылады. Оның мәні – Vlife Операторының Тұтынушыға Vlife жүйесін оның функционалдық мүмкіндіктеріне сәйкес, Оператор белгілеген көлемде пайдалану құқығын беруі, сондай-ақ өзге де ілеспе қызметтер мен сервистерді ұсынуы болып табылады.

1.2. Осы Келісім Қазақстан Республикасы Азаматтық кодексінің 389-бабына сәйкес Сатып алушының осы Офертаның талаптарына қосылуы арқылы жасалады. Аталған бапқа сәйкес, қосылу шарты ретінде талаптары тараптардың бірі стандартты түрде алдын ала айқындаған және екінші тарап тек ұсынылған шартқа толық көлемде қосылу арқылы ғана қабылдай алатын шарт танылады.

1.3. Тұтынушының Vlife Club адалдық бағдарламасына қатысуын және осы Офертаның талаптарын қабылдауын төмендегі әрекеттердің кез келгенін орындау арқылы растайды:

1.3.1. Vlife мобильді қосымшасындағы «Шарттарды қабылдау» батырмасын басу арқылы;

1.3.2. Тұтынушының абоненттік нөміріне жіберілген бір реттік SMS-кодты растау арқылы;

1.3.3. Тұтынушының абоненттік нөмірін көрсете отырып, Vlife серіктесінде алғашқы Тракнзакцияны жүзеге асыру арқылы.

Vlife мобильді қосымшасы – «Grand Era» ЖШС-не тиесілі, кең ауқымды міндеттерді шешуге арналған бағдарламалық қамтамасыз етуші.

Тұтынушы/Клиент – осы Офертада көзделген тәртіппен Vlife Club адалдық бағдарламасына қатысатын және Серіктестер желісінде зат сатып алатын/сауда жасайтын жеке тұлға.

Vlife серіктесі – өз тауарлары мен қызметтерін Vlife арқылы ұсынатын коммерциялық ұйым. Vlife серіктестерінің тізімі осы Офертаның №1 қосымшасында көрсетілген. Vlife Операторы Тұтынушыны алдын ала хабардар етпестен серіктестер тізімін жаңартуға құқылы. Серіктестер туралы өзекті ақпарат Vlife жүйесіндегі Серіктес парақшасында орналастырылады.

Vlife Операторы – Vlife Club адалдық бағдарламасының құқық иесі болып табылатын және оның жұмыс істеуін қамтамасыз ететін «Grand Era» ЖШС заңды тұлғасы.

Аутентификациялық деректер – Тұтынушыны Vlife жүйесінде тіркеу және авторизациялау үшін қажетті дербес деректері.

Тіркелу – Тұтынушының Vlife мүмкіндіктерін пайдалану үшін қажет дербес деректерді ұсыну рәсімі.

Авторизация – тіркелген Тұтынушы ретінде Vlife жүйесін пайдалану үшін орындалатын әрекеттер тәртібі.

SMS-авторизация – Тұтынушыны оның тіркелген телефон нөміріне SMS-хабарлама жіберу арқылы сәйкестендіру рәсімі. Хабарламада бір реттік SMS-код болады.

SMS-код – операцияларды растау үшін пайдаланылатын бір реттік код.

Vlife Club адалдық бағдарламасы (Vlife) – Vlife Операторы белгілейтін және Тұтынушыларға Vlife серіктестерінде Транзакциялар жасау кезінде бонустар, артықшылықтар және өзге де тиімді ұсыныстар ұсынуға бағытталған іс-шаралар, қағидалар мен шарттар жиынтығы. Бағдарлама Баллдарды есептеу, есептен шығару және пайдалану тәртібін, сондай-ақ Тұтынушы мәртебесін және оған байланысты артықшылықтарды айқындайды.

Тұтынушы мәртебесі – Тұтынушының Vlife Club адалдық бағдарламасындағы белсенділік деңгейі.

Балл – Vlife Операторы белгілеген есептеу қағидаларына сәйкес Тұтынушының шотына түсетін және одан есептен шығарылатын есептік бірлік.

Мультитөлем – бір Транзакция аясында төлемнің бір бөлігін Баллдармен, ақ қалған бөлігін банк картасымен төлеуге мүмкіндік беретін төлем тәсілі. Баллдармен төленетін ең жоғары үлесті Vlife Операторы белгілейді.

Тұтынушы шоты – Vlife Club бағдарламасы аясындағы Баллдардың есептелуі мен есептен шығарылуы туралы ақпаратты қоса алғанда, Тұтынушының Баллдар теңгерімі туралы деректер жиынтығы.

Транзакция – Тұтынушының Баллдарды есептеу немесе есептен шығару жүзеге асырылатын әрекеті.

Серіктес парақшасы – Vlife жүйесіндегі Серіктес туралы, оның тауарлары мен қызметтерін ұсыну шарттары, сондай-ақ Тұтынушы мәртебесіне байланысты Баллдардың есептелу пайызы туралы мәліметтерді қамтитын ақпараттық бөлім.

Абоненттік нөмір – Тұтынушыға тіркелген және Vlife Club аясында сәйкестендіру үшін пайдаланылатын телефон нөмірі.

Брондау – Vlife Club адалдық бағдарламасының Vlife серіктесінің тауарлары мен қызметтерін белгілі бір уақытқа және шарттармен резервтеуге арналған қызметі. Брондау электрондық хабарлама және/немесе Оператор немесе Серіктес көздеген өзге байланыс құралдары арқылы расталады.

Vlife Club мәртебесі – Vlife Club адалдық бағдарламасындағы Тұтынушының артықшылықтар деңгейі. Мәртебелерді Vlife Операторы белгілейді және оларды кез келген уақытта өзгерте алады. Қолданыстағы мәртебелер (артықшылықтардың өсу ретімен): Bronze, Silver, Gold, Platinum, Diamond.

Мәртебеге жазылым – Vlife Club адалдық бағдарламасы аясындағы ақылы қызмет. Ол Тұтынушыға жазылым қолданылатын кезең ішінде ең жоғары Vlife Club мәртебесін береді. Жазылым 1 (бір) айға немесе 12 (он екі) айға рәсімделеді. Жазылымның қолданылу мерзімі оны сатып алған күннен бастап есептеледі: 1 айлық жазылым – келесі күнтізбелік айдың сәйкес күніне дейін; 12 айлық жазылым – келесі жылдың сол күнтізбелік айындағы сәйкес күніне дейін жарамды. Егер тиісті айда сатып алынған күнге сәйкес күн болмаса, жазылым сол айдың соңғы күніне дейін жарамды. Жазылым автоматты түрде ұзартылмайды және мерзімі аяқталғаннан кейін қаражат автоматты түрде есептен шығарылмайды.

Рефералдық бағдарлама – Тұтынушыға басқа тұлғаларды Vlife жүйесіне тіркелуге және Vlife Club адалдық бағдарламасына қатысуға шақыруға мүмкіндік беретін функционал.

Ойын – Тұтынушыға Тек ойын-сауық және маркетингтік мақсаттарда ұсынылатын Vlife жүйесінің функционалдық элементі.

Абонемент – Тұтынушыға белгілі бір мерзім ішінде белгіленген көлемде немесе номиналда Серіктестің қызметтерін алуға құқық беретін электрондық алдын ала төленген өнім. Абонемент оның қолданылу мерзімі аяқталған кезде немесе белгіленген көлем толық пайдаланылған кезде (қайсысы бұрын орын алса) пайдаланылған және жарамсыз болып есептеледі.

Брондау – Vlife арқылы ұсынылатын, Vlife серіктесінің тауарларын немесе қызметтерін белгілі бір уақытқа және шарттармен резервтеуге арналған қызмет. Брондау Vlife қосымшасындағы электрондық хабарлама және/немесе Оператор немесе Серіктес көздеген өзге байланыс құралдары арқылы расталады.

3.1. Осы Офертаның мәні – «Grand Era» ЖШС (бұдан әрі – Vlife Операторы) құқық иеленушісі әрі операторы болып табылатын Vlife Club адалдық бағдарламасына тұтынушының қатысу шарттарын белгілеу.

3.2. Осы Оферта шеңберінде Vlife Операторы тұтынушыға:

3.2.1. Vlife Операторы айқындаған функционалдық мүмкіндіктер шегінде Vlife Super App мобильді қосымшасын пайдалану құқығын, оның ішінде сервистерге, бағдарламаларға, бөлімдерге, интерфейстерге және қосымшаның өзге де құралдарына қол жеткізу құқығын;

3.2.2. Vlife Club адалдық бағдарламасына қатысу құқығын, оның ішінде:

3.2.2.1. Бонустық балдарды есептеу және пайдалану,

3.2.2.2. Тұтынушы мәртебесін беру, өзгерту және одан айыру, оның ішінде осы Офертаның XI бөлімінде көзделген тәртіппен ақылы негізде,

3.2.2.3. Vlife Операторы көздеген бонустарды, көтермелеулерді, дербестендірілген ұсыныстарды және өзге де артықшылықтарды алу;

3.2.2.4. Қосымшаның функционалын пайдалана отырып, Vlife серіктестерінде транзакциялар жасау мүмкіндігі (төлем жасау, мульти-төлем, брондау, цифрлық қызметтерді алу және т.б.);

3.2.2.5. Ақпараттық, техникалық және маркетингтік сипаттағы сервистерді, оның ішінде хабарламаларды, push-хабарламаларды, ұсынымдарды, серіктестердің материалдарын және тұтынушының адалдық бағдарламасына қатысуы үшін қажетті өзге де деректерді алу мүмкіндігі.

3.3. Тұтынушының Vlife Club адалдық бағдарламасына қатысуы, сондай-ақ тұтынушының Vlife Super App мобильді қосымшасын пайдалануы осы Офертаның талаптарымен жүзеге асырылады және тек Vlife Операторы белгілеген ережелермен реттеледі.

3.4. Vlife Операторы Vlife Super App мобильді қосымшасының функционалын, Vlife Club адалдық бағдарламасына қатысу шарттарын, Бонустық балдарды есептеу және пайдалану тәртібін, сондай-ақ осы Офертада реттелетін өзге де параметрлерді біржақты тәртіппен айқындауға, өзгертуге, кеңейтуге, шектеуге немесе тоқтатуға құқылы.

3.5. Тұтынушы Vlife Операторының Vlife серіктестері өткізетін тауарлар мен көрсетілетін қызметтердің сатушысы болып табылмайтынын және олардың сапасына, құнына, қолжетімділігіне, қайтарылуына немесе тұтынушы мен серіктестер арасындағы қатынастармен реттелетін өзге де параметрлерге жауапты еместігін мойындайды.

3.6. Өзгерістер күшіне енгеннен кейін тұтынушының Vlife адалдық бағдарламасына қатысуын жалғастыруы тұтынушының осындай өзгерістермен келісетінін білдіреді.

3.7. Өзгерістермен келіспеген жағдайда тұтынушы бағдарламаға қатысуын тоқтатуға және Шартты бұзу туралы өтінішпен Vlife Операторына жүгінуге міндетті.

4.1. Тіркелу Тұтынушыға Vlife Club адалдық бағдарламасындағы Жеке кабинетіне, Баллдар теңгеріміне, Транзакциялар тарихына, мәртебесі туралы ақпаратқа және өзге де қосымша мүмкіндіктерге қол жеткізуді қамтамасыз ету мақсатында ғана жүзеге асырылады.

4.2. Тіркелу үшін Тұтынушы бір реттік SMS-кодты енгізу арқылы өзінің Абоненттік нөмірін растайды. Тіркелу Тұтынушының осы Оферта талаптарымен келісетінін және Қосылу шартын қабылдағанын (акцепт жасағанын) білдіреді.

4.3. Vlife Club адалдық бағдарламасына кейіннен қол жеткізу үшін Тұтынушы Абоненттік нөмірін және бір реттік SMS-кодты және/немесе өзге де Қолжеткізу кодын (оның ішінде Тұтынушы өзі орнатқан төрт таңбалы кодты), сондай-ақ Vlife адалдық бағдарламасының функционалында көзделген басқа да аутентификация тәсілдерін пайдаланады. Техникалық мүмкіндік болған жағдайда, мобильді құрылғыдағы бет-әлпетті немесе саусақ ізін тану жүйесін пайдалану да қолданылады.

4.4. Авторизациядан кейін Тұтынушының Vlife қосымшасында жасаған электрондық растаулары, әрекеттері, командалары және сұраулары Тұтынушының заңды маңызы бар ерік білдіруі болып танылады және оның өз қолымен қойған қолына теңестіріледі.

4.5. Тұтынушы өзінің толық әрекет қабілеттілігі бар екенін немесе Қазақстан Республикасының заңнамасына сәйкес қажет болған жағдайда заңды өкілінің келісімімен және бақылауымен әрекет ететінін растайды. Vlife Операторы кәмелетке толмаған тұлғалардың Бағдарламаны пайдалануына, бөтен телефон нөмірін немесе мобильді құрылғыны пайдалануына жауапты болмайды.

4.6. Vlife Операторы төмендегі жағдайларда Тұтынушыға қосымшаға немесе Vlife жүйесінің жекелеген функцияларына қол жеткізуін шектеуге құқылы:

4.6.1. осы Офертаның талаптарын бірнеше рет бұзған жағдайда;

4.6.2. күмәнді әрекеттер анықталған жағдайда (мысалы, жалған Транзакциялардың көптеп жасалуы немесе Баллдарды теріс пайдалану);

4.6.3. Бағдарлама қағидаларын айналып өтуге бағытталған әрекеттер жасалған жағдайда.

4.7. Тұтынушы Vlife Операторының және Vlife серіктестерінің өкілдерімен қарым-қатынас жасау кезінде іскерлік және коммуникациялық әдеп нормаларын сақтауға міндеттеледі.

4.8. Vlife тіркелу кезінде Тұтынушы ұсынған ақпараттың дұрыстығы мен нақтылығы үшін жауап бермейді. Тұтынушы деректері өзгерген жағдайда оларды уақтылы жаңартуға міндеттеледі.

4.9. Тұтынушы Vlife жүйесіне кіру үшін пайдаланылатын Қолжеткізу кодын және өзге де Аутентификациялық деректерді үшінші тұлғаларға бермеуге міндеттеледі. Егер Тұтынушы өзінің есептік деректеріне үшінші тұлғалардың рұқсатсыз алғанына күмәнданса, бұл туралы decon client@vlife.kz электрондық поштасына хабарлама жолдау арқылы Vlife Операторына хабарлауға міндетті.

5.1. Vlife қызметтері делдалдық сипатқа ие. Vlife бір жағынан Vlife Операторының серіктестері мен екінші жағынан Тұтынушылардың өзара әрекеттесуіне, оның ішінде ақпарат алмасуына және жекелеген операцияларды жүзеге асыруына мүмкіндік береді. Vlife Операторы Vlife серіктестерінің әрекеттері үшін жауап бермейді.

5.2. Vlife функционалы «осы күйінде» (as is) қағидаты бойынша ұсынылады.

5.3. Тұтынушының Vlife Club адалдық бағдарламасына қатысуы шеңберінде Vlife Операторы Тұтынушыға Vlife мобильді қосымшасының интерфейсін Vlife адалдық бағдарламасына қатысуға байланысты функцияларға қол жеткізу үшін қажетті көлемде өтеусіз, айрықша емес, басқа тұлғаға берілмейтін және мерзімсіз лицензия береді.

5.3.1. Vlife қосымшасын Тұтынушының мобильді құрылғысына орнату;

5.3.2. Vlife жүйесінде тіркелу және авторизациядан өту;

5.3.3. Тұтынушының Жеке кабинетіндегі жеке баптауларды орнату және өзгерту;

5.3.4. Төлем жасау үшін банк карталарын қосу;

5.3.5. Сауда жасау;

5.3.6. Төлемдер жасау;

5.3.7. Үшінші тарап сервистерінің қызметтеріне ақы төлеу;

5.3.8. Қызметтерге ақы төлеу;

5.3.9. Сауда жасау немесе қызмет ақысын төлегеннен кейін Vlife серіктестері туралы пікір қалдыру және оларға баға беру;

5.3.10. Vlife Club бағдарламасына қатысу, оның ішінде Баллдар мен сыйлықтар алу.

5.4. Vlife функционалы Тұтынушының мобильді құрылғысының операциялық жүйесіне байланысты аздап ерекшеленуі мүмкін.

5.5. Тұтынушыға төмендегі әрекеттерді жасауға тыйым салынады:

5.5.1. Vlife бағдарламалық кодын өзгертуге, декомпиляциялауға (декомпилятор арқылы бастапқы кодын қалпына келтіруге), шифрын ашуға немесе Vlife жүйесінде қолданылатын алгоритмдердің іске асырылуы туралы ақпарат алуға бағытталған өзге де әрекеттерді жасауға;

5.5.2. Vlife негізінде туынды бағдарламалық өнімдер немесе өзге де туынды объектілер жасауға;

5.5.3. Vlife жүйесін үшінші тұлғалардың құқықтарын бұзу немесе Қазақстан Республикасының қолданыстағы заңнамасына қайшы келетін мақсаттарда пайдалануға;

5.5.4. Лицензияланбаған бағдарламалық қамтамасыз ету орнатылған мобильді құрылғыларда Vlife қосымшасын орнатуға және пайдалануға.

5.6. Vlife Операторы лицензияланбаған бағдарламалық қамтамасыз ету орнатылған мобильді құрылғыларда Vlife қосымшасының тұрақтылығы, сенімділігі, дұрыс жұмыс істеуі және оны пайдаланудың өзге де салдары үшін жауап бермейді.

5.7. Vlife өз функционалын толық көлемде қамтамасыз ету мақсатында, Тұтынушының алдын ала келісімімен, оның мобильді құрылғысындағы контактілер тізіміне, камераға, микрофонға, фотогалереяға және орналасқан жері туралы ақпаратқа (геолокацияға) қол жеткізе алады.

6.1. Vlife Операторы Vlife жүйесін пайдаланғаны үшін міндетті ақы алмайды. Бұған тек жекелеген қосымша ақылы функциялар (оның ішінде Мәртебе жазылымын сатып алу) кірмейді. Мұндай функциялардың тізбесі мен оларды ұсыну шарттары осы Офертаның тиісті бөлімдерінде айқындалады және Vlife қосымшасында жарияланады. Сонымен қатар, Vlife Тұтынушылары ұялы байланыс операторлары немесе деректерді беру қызметтерін жеткізушілер сияқты үшінші тарап ұйымдары өздерінің қызметтері үшін жеке жасалған келісімдерге сәйкес ақы алуы мүмкін екенін ескеруі тиіс.

6.2. Тапсырыс ресімделген кезде Серіктес немесе төлем провайдері тапсырыс құнына немесе өзге мөлшерге тең соманы Тұтынушының банк картасында уақытша бұғаттауға (алдын ала авторизациялауға) құқылы.

6.3. Тұтынушы қызмет көрсетілгеннен, тауар берілгеннен немесе Тұтынушының берешегі болған жағдайда, тапсырыс талаптарына және банк-эмитенттің қағидаларына сәйкес ақшалай қаражаттың Серіктес немесе төлем провайдері тарапынан автоматты түрде есептен шығарылуына келісім береді.

6.4. Мәртебеге жазылу ақысын Тұтынушы Vlife мобильді қосымшасының функционалында қолжетімді тәсілдердің бірі арқылы, таңдалған жазылым мерзімі (1 немесе 12 ай) үшін толық алдын ала төлем негізінде бір жолғы төлем арқылы төлейді. Жазылым құнын Vlife Операторы біржақты тәртіппен белгілейді және оны Тұтынушыны алдын ала хабардар етпестен өзгертуге құқылы. Жазылым мерзімі аяқталғаннан кейін ол автоматты түрде ұзартылмайды және Тұтынушының банк картасынан қаражат автоматты түрде есептен шығарылмайды. Тұтынушының Жазылым үшін төлеген ақшалай қаражаты, оның ішінде Тұтынушы Жазылымның қолданылу мерзімі аяқталғанға дейін оны пайдаланудан өз еркімен бас тартқан жағдайда, сондай-ақ осы Офертада көзделген негіздер бойынша Тұтынушының Vlife жүйесіне қол жеткізуі шектелген, тоқтатылған немесе толықтай тоқтатылған жағдайда қайтарылмайды. Қазақстан Республикасының заңнамасында тікелей көзделген жағдайлар бұған кірмейді.

7.1. Тұтынушы міндетті:

7.1.1. Тіркелу кезінде шынайы, өзекті және толық мәліметтер ұсынуға, сондай-ақ олар өзгерген жағдайда деректерді уақтылы жаңартуға.

7.1.2. Өзінің Аутентификациялық деректерінің (SMS-кодтар, Қолжеткізу коды, құпиясөздер, авторизация деректері) құпиялылығын қамтамасыз етуге және оларды үшінші тұлғаларға бермеуге тиіс. Тұтынушы өзінің Аутентификациялық деректері пайдаланылып Vlife жүйесінде жасалған барлық операциялар үшін толық жауапты болады.

7.1.3. Есептік жазбасына немесе мобильді құрылғысына рұқсатсыз қол жеткізілді деген күдік туындаған жағдайда, бұл туралы дереу client@vlife.kz электрондық поштасы арқылы Vlife Операторына хабарлауға.

7.1.4. Vlife функционалын тек осы Офертада көзделген мақсаттарда пайдалануға және төмендегі әрекеттерді жасамауға:

7.1.4.1. техникалық қорғау құралдарын айналып өтуге;

7.1.4.2. жүйе жұмысына араласуға;

7.1.4.3. алдау, жалған мәлімет беру, айла-шарғы жасау немесе өзге де адал емес әрекеттер арқылы Баллдарды немесе басқа артықшылықтар алуға;

7.1.4.4. басқа тұлғалардың деректеріне немесе есептік жазбаларына қол жеткізуге.

7.1.5. Қазақстан Республикасының заңнамасының талаптарын, сондай-ақ Vlife жүйесінде жарияланған немесе Vlife Операторы жолдаған барлық қағидалар мен нұсқаулықтарды сақтауға.

7.1.6. Vlife жүйесіне, Операторға, Серіктестерге немесе өзге Тұтынушыларға зиян келтіруі мүмкін кез келген әрекеттерден бас тартуға, оның ішінде, бірақ мұнымен шектелмей:

7.1.6.1. зиянды бағдарламаларды таратуға;

7.1.6.2. серверлердің жұмысын бұзуға;

7.1.6.3. заңсыз артықшылықтар алу мақсатында бірнеше есептік жазба құруға;

7.1.6.4. Баллдар санын жасанды түрде көбейтуге әрекет жасаудан бас тартуға міндетті.

7.1.7. Тұтынушының құрылғысы немесе есептік жазбасы арқылы кәмелетке толмаған тұлғалардың Vlife жүйесін пайдалануынан туындайтын салдарлар үшін жауапты өзі жауап беруге.

7.2. Тұтынушы құқылы:

7.2.1. Осы Офертада көзделген шектерде Vlife функционалын пайдалануға.

7.2.2. Қосымшаны жою немесе шартты бұзу туралы жазбаша өтініш жолдау арқылы Vlife жүйесін пайдалануды кез келген уақытта тоқтатуға.

7.2.3. Vlife жүйесін пайдалану немесе Баллдардың дұрыс есептелуі мәселелері бойынша Vlife Операторының қолдау қызметіне жүгінуге.

7.3. Vlife Операторы міндетті:

7.3.1. Қазақстан Республикасының заңнамасына сәйкес Тұтынушының дербес деректеріне заңсыз қол жеткізуден, өзгертуден, бұғаттаудан, таратудан және жоюдан қорғау жөніндегі шараларды қабылдауға.

7.3.2. Тұтынушыға Vlife функционалына қол жеткізуді қамтамасыз етуге, келесі жағдайларды қоспағанда:

7.3.2.1. техникалық жұмыстар жүргізілген кезде;

7.3.2.2. қауіпсіздікті қамтамасыз етуге бағытталған іс-шаралар жүргізілген кезде;

7.3.2.3. Тұтынушы осы Офертаның талаптарын бұзған жағдайда.

7.3.3. Тұтынушылардың өтініштерін Vlife Операторының ішкі рәсімдеріне сәйкес ақылға қонымды мерзімде қарауға.

7.4. Vlife Операторы құқылы:

7.4.1. Тұтынушыны алдын ала хабардар етпестен, кез келген уақытта біржақты тәртіппен:

7.4.2. Vlife функционалын өзгертуге;

7.4.3. кез келген сервистерді жаңартуға, қайта өңдеуге немесе алып тастауға;

7.4.4. жаңа қағидаларды, шектеулерді және талаптарды енгізуге;

7.4.5. жекелеген функциялар мен қызметтердің ұсынылуын толық немесе ішінара тоқтатуға.

7.4.6. Төмендегі жағдайларда Тұтынушының Vlife жүйесіне қол жеткізуін шектеуге, уақытша тоқтата тұруға немесе толық тоқтатуға:

7.4.6.1. осы Офертаның талаптары бұзылған жағдайда;

7.4.6.2. Тұтынушының адал емес әрекет жасағанына күдік туындаған жағдайда;

7.4.6.3. заңнама талаптары бұзылған жағдайда;

7.4.6.4. техникалық қажеттілік туындаған жағдайда;

7.4.6.5. Оператор жеткілікті деп санайтын өзге де мән-жайлар болған жағдайда.

7.4.7. Төмендегі жағдайлар анықталған кезде Баллдарды немесе Тұтынушы мәртебесін жоюға не Тұтынушының Vlife адалдық бағдарламасына қатысуын шектеуге:

7.4.7.1. техникалық ақаулар немесе қате есептеулер;

7.4.7.2. күші жойылған немесе қайтарылған Транзакциялар;

7.4.7.3. бағдарламаны теріс пайдалану;

7.4.7.4. айла-шарғы жасау немесе алаяқтық жасау.

7.4.8. Қазақстан Республикасының заңнамасында және осы Офертада көзделген көлемде Тұтынушының дербес деректерін, оның ішінде автоматтандырылған өңдеу және үшінші тұлғаларға беру арқылы өңдеуге.

7.4.9. Қазақстан Республикасының заңнамасында көзделген жағдайларда Тұтынушы туралы ақпаратты мемлекеттік органдарға ұсынуға.

7.4.10. Профилактикалық, техникалық және өзге де жұмыстарды жүргізуге, мұндай жұмыстар кезеңінде Vlife жүйесіне қол жеткізу шектелуі немесе толық тоқтатылуы мүмкін.

7.4.11. Vlife адалдық бағдарламасының талаптарының бұзылуын, алаяқтық немесе өзге де адал емес әрекеттерді анықтау мақсатында Тұтынушы белсенділігіне мониторинг жүргізуге.

7.4.12. Осы Оферта бойынша өз құқықтары мен міндеттерін Тұтынушы келісімін алмай-ақ үшінші тұлғаларға беруге.

7.4.13. Тұтынушы әрекеттерінің құқықтық салдары.

7.4.14. Тұтынушының Vlife жүйесінде қол жеткізуі бұғатталғанға, шектелгенге немесе тоқтатылғанға до жасаған барлық әрекеттері заңды маңызы бар және міндетті болып есептеледі.

8.1. Vlife Операторы дербес деректерді Қазақстан Республикасының заңнамасына сәйкес өңдейді. Атап айтқанда: Қазақстан Республикасының Конституциясы; Қазақстан Республикасының 2013 жылғы 21 мамырдағы №94-V «Дербес деректер және оларды қорғау туралы» Заңы; Қазақстан Республикасының 2015 жылғы 24 қарашадағы №418-V «Ақпараттандыру туралы» Заңы; Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 21 қазандағы №395/НҚ «Дербес деректерді жинау және өңдеу қағидаларын бекіту туралы» бұйрығы, сондай-ақ Қазақстан Республикасының өзге де нормативтік құқықтық актілері негізінде және оларға сәйкес жүзеге асырылады.

8.2. Vlife Операторы Қазақстан Республикасының «Дербес деректер және оларды қорғау туралы» Заңына сәйкес шарт негізінде дербес деректерді өңдеуді үшінші тұлғаларға (өңдеушілерге) тапсыруға құқылы. Бұл ретте аталған тұлғалардың әрекеттері үшін дербес деректер субъектісі алдында жауапкершілікті Vlife Операторы алады.

8.3. Дербес деректерді өңдеу мақсаттары.

8.3.1. Vlife Операторы дербес деректерді төмендегі мақсатта өңдейді:

8.3.1.1. Тұтынушылардың Vlife Club адалдық бағдарламасына қатысуын қамтамасыз ету, оның ішінде Тұтынушыны Абоненттік нөмірі бойынша сәйкестендіру, Баллдар мен Тұтынушы мәртебесінің есебін жүргізу;

8.3.1.2. Баллдарды есептеу және пайдалану жөніндегі Транзакциялар тарихын жүргізу;

8.3.1.3. Тұтынушыға Vlife Super App мобильді қосымшасының функционалына және Vlife Club адалдық бағдарламасына байланысты өзге де цифрлық сервистерге қол жеткізу мүмкіндігін беру;

8.3.1.4. Тұтынушыны Баллдар, Мәртебе, бағдарламаның шарттары, қағидалардың өзгерістері, техникалық хабарламалар, сондай-ақ Тұтынушының Vlife адалдық бағдарламасына дұрыс қатысуы үшін қажетті өзге де хабарламалар туралы ақпараттандыру;

8.3.1.5. Тұтынушылардың қолдау қызметіне жолдаған өтініштерін, шағымдары мен сұрауларын өңдеу және қарау;

8.3.1.6. Vlife Операторы мен Vlife серіктестерінің маркетингтік, жарнамалық және ақпараттық іс-шараларын (оның ішінде хабарламалар тарату, акциялар және дербестендірілген ұсыныстар) өткізу, мұндай материалдарды алуға Тұтынушының жеке келісімі болған жағдайда;

8.3.1.7. Vlife жүйесінің жұмысын талдау және жетілдіру, оның ішінде функционалды пайдалану бойынша талдау жүргізу, жаңа сервистер мен Vlife адалдық бағдарламаларын әзірлеу және сынақтан өткізу;

8.3.1.8. Vlife Операторының, Vlife серіктестерінің және Тұтынушылардың құқықтары мен заңды мүдделерін қорғау, оның ішінде дауларды, шағымдарды және сот істерін қарау барысында;

8.3.1.9. Қазақстан Республикасы заңнамасының талаптарын орындау, оның ішінде мемлекеттік органдардың заңды сұраулары бойынша ақпарат ұсыну.

8.4. Vlife Операторы дербес деректерді жоғарыда көрсетілген мақсаттарға сәйкес келмейтін өзге мақсаттарда пайдаланбайды. Егер дербес деректерді өңдеу мақсаты өзгерген жағдайда және заңнамада талап етілсе, Vlife Операторы дербес деректер субъектісінің жаңа келісімін алады.

8.5. Vlife Операторы өңдейтін барлық дербес деректер қолжетімділігі шектеулі ақпаратқа жатады және құпия болып табылады.

8.6. Vlife Club адалдық бағдарламасы және Vlife Super App қосымшасы аясында Vlife Операторы Тұтынушылардың мынадай дербес деректерін өңдей алады:

• тегі, аты, әкесінің аты (болған жағдайда);

• Абоненттік нөмірі (ұялы телефон нөмірі);

• электрондық пошта мекенжайы (болған жағдайда);

• туған күні;

• тұратын өңірі мен қаласы;

• Vlife Club адалдық бағдарламасындағы Тұтынушы мәртебесі туралы мәліметтер;

• есептелген және пайдаланылған Баллдар, сондай-ақ Vlife Club адалдық бағдарламасы аясындағы Транзакциялар тарихы туралы ақпарат;

• Қосымшада таңдалған Тұтынушы профилінің баптаулары;

• Vlife жүйесінің дұрыс жұмыс істеуі мен талдау жүргізуге қажетті көлемдегі Қосымшамен өзара әрекеттесу туралы деректер (құрылғы идентификаторлары, тіл, қосымша нұсқасы, хабарлама баптаулары және т.б.).

8.7. Жұмыс беруші және шарттық қатынастардың тарапы ретіндегі міндеттерін орындау мақсатында Vlife Операторы қызметкерлердің, жұмысқа үміткерлердің, контрагенттер өкілдерінің және өзге де тұлғалардың дербес деректерін Қазақстан Республикасының еңбек, салық және өзге де заңнамасында көзделген көлемде және мерзімдерде өңдеуге құқылы.

8.8. Дербес деректерді сақтау мерзімі оларды өңдеу мақсаттарына, заңнама талаптарына, сондай-ақ Vlife адалдық бағдарламасына қатысуға және шарттық міндеттемелерді орындауға байланысты туындауы мүмкін талаптар бойынша талап қою мерзімдеріне сәйкес айқындалады.

8.9. Дербес деректерді өңдеу мақсаттарына қол жеткізілгеннен кейін немесе оларға қол жеткізу қажеттілігі жойылған жағдайда, егер оларды сақтау міндеті заңнамада көзделмесе, дербес деректер жойылуға немесе иесіздендірілуге (дербестендірілмеуге) тиіс.

8.10. Vlife Операторы дербес деректерді негезінен дербес деректер субъектісінен мынадай жағдайларда жинайды:

• Тұтынушы Vlife Club адалдық бағдарламасында және/немесе Vlife Super App қосымшасында тіркелген кезде;

• Тұтынушы Абоненттік нөмірін көрсете отырып, Vlife серіктестерінде Транзакциялар жасаған кезде;

• Тұтынушы қолдау қызметіне өтініш жолдаған кезде;

• Тұтынушы маркетингтік іс-шараларға, акцияларға және сауалнамаларға қатысқан кезде.

8.11. Дербес деректер Қазақстан Республикасының заңнамасының талаптарын сақтай отырып, автоматтандырылған құралдарды пайдалану арқылы да, оларды пайдаланбай да өңделеді.

8.12. Vlife Операторы дербес деректерді қорғау үшін қажетті ұйымдастырушылық және техникалық шараларды қабылдайды.

8.13. Дербес деректерді өңдеуге қызметтік міндеттерін орындау үшін мұндай рұқсат қажет болатын және дербес деректерді қорғау жөніндегі заңнама талаптарымен және ішкі құжаттармен танысқан Vlife Операторының қызметкерлері немесе уәкілетті тұлғалар ғана жіберіледі.

8.14. Vlife Операторы дербес деректерді мынадай тұлғаларға беруге құқылы:

• мемлекеттік органдарға – Қазақстан Республикасының заңнамасында көзделген жағдайларда және тәртіппен;

• Vlife серіктестеріне – Vlife адалдық бағдарламасын іске асыруға, Тұтынушыға бонустарды, артықшылықтарды және арнайы ұсыныстарды ұсынуға қажетті көлемде, тиісті шарттар болған және қажет болған жағдайда Тұтынушының жеке келісімі алынған кезде;

• үшінші тұлғаларға (өңдеушілерге) – Vlife Операторының тапсырмасы бойынша, дербес деректердің құпиялылығы мен қауіпсіздігін қамтамасыз ету жөніндегі міндеттерді белгілейтін шарт жасалған жағдайда.

8.15. Өзге жағдайларда дербес деректер үшінші тұлғаларға Тек дербес деректер субъектісінің келісімі болған кезде немесе Қазақстан Республикасының заңнамасында көзделген өзге де заңды негіздер болған жағдайда ғана беріледі.

8.16. Дербес деректер субъектісінің өтініші бойынша, сондай-ақ дәл емес, ескірген немесе заңсыз өңделіп жатқан деректер анықталған жағдайда, дербес деректер өзгертілуге, толықтырылуға, бұғатталуға немесе жойылуға тиіс.

8.17. Дербес деректер субъектісі:

• Vlife адалдық бағдарламасына қатысу немесе заңнама талаптарын орындау үшін қажет болған жағдайларда шынайы және өзекті дербес деректерді ұсынуға;

• өзінің дербес деректері (мысалы, телефон нөмірі немесе электрондық пошта мекенжайы) өзгерген жағдайда, егер бұл Vlife адалдық бағдарламасына қатысуына және хабарламаларды алуына әсер ететін болса, бұл туралы Vlife Операторына уақтылы хабарлауға міндетті.

8.18. Қосымшаны және Vlife-тің өзге де цифрлық сервистерін пайдалану кезінде Vlife Операторы Тұтынушы құрылғысына және функционалды пайдалануына қатысты техникалық ақпаратты (құрылғы идентификаторлары, IP-мекенжайы, cookie файлдары, баптаулар, интерфейс тілі және т.б.) мынадай мақсаттарда өңдеуі мүмкін:

• Vlife жүйесінің жұмысқа қабілеттілігі мен қауіпсіздігін қамтамасыз ету;

• тұтынушы тәжірибесін талдау және жақсарту;

• көрсетілетін материалдар мен ұсыныстарды дербестендіру.

8.19. Тұтынушы өз құрылғысының немесе браузерінің баптауларында белгілі бір технологияларды (мысалы, cookie файлдарын) пайдалануды шектеуге құқылы. Алайда бұл Vlife жүйесінің жекелеген функцияларының дұрыс жұмыс істеуіне әсер етуі мүмкін.

8.20. Vlife Операторының және Vlife серіктестерінің жарнамалық ақпаратын қамтитын маркетингтік хабарламалар (SMS, push-хабарламалар, электрондық хаттар және т.б.) Тұтынушы келісімі болған жағдайда ғана жіберіледі. Тұтынушы бұл келісімін кез келген уақытта Қосымшадағы баптаулар арқылы, «Жазылымнан бас тарту» сілтемесі арқылы немесе қолдау қызметіне жүгіну арқылы өзгерте алады.

8.21. Vlife адалдық бағдарламасы аясында Тұтынушының пайдаланушылық тәжірибесін жақсарту, талдау жүргізу, Тұтынушының баптауларын сақтау және интерфейсті дербестендіру мақсатында cookie файлдары және соған ұқсас технологиялар қолданылуы мүмкін. Тұтынушы Қазақстан Республикасының қолданыстағы заңнамасына сәйкес cookie файлдарын пайдалануға келісім береді. Қалаған жағдайда Тұтынушы cookie файлдарын өз құрылғысының баптауларында өшіре алады, алайда бұл Vlife жүйесінің функционалдығын шектеуі мүмкін.

8.22. Vlife жүйесі талдамалық есептерді қалыптастыру, сондай-ақ контентті дербестендіру және Тұтынушы қызығушылықтарына сәйкес акцияларды ұсыну мақсатында иесіздендірілген (дербестендірілмеген) деректерді пайдалана алады. Мұндай деректер нақты бір Тұтынушының жеке басын анықтауға мүмкіндік бермейді.

8.23. Vlife адалдық бағдарламасы 18 жасқа толмаған тұлғалар үшін де қолжетімді. Тұтынушы Vlife адалдық бағдарламасына қосылу мақсатында кез келген әрекетті (оның ішінде, бірақ мұнымен шектелмей, қосымшаны орнату, мобильді қосымша немесе өзге қолжетімді арналар арқылы тіркелу) жүзеге асыра отырып, мұны өзінің заңды өкілінің келісімімен жасайтынын, сондай-ақ осы Офертада көзделген пайдалану шарттарының барлығын түсінетінін және қабылдайтынын растайды. Vlife Операторы кәмелетке толмаған тұлғалардың заңды өкілдерінің хабарынсыз немесе келісімінсіз жасаған әрекеттері үшін жауапты болмайды.

8.24. Тұтынушы осы Келісім талаптарын қабылдай отырып, өзінің дербес деректерін, оның ішінде оларды жинауға, жүйелеуге, сақтауға, талдауға, иесіздендіруге және пайдалануға қатысты өңдеу автоматтандырылған жүйелерді, соның ішінде жасанды интеллект алгоритмдерін қолдану арқылы жүзеге асырылуына сөзсіз әрі қайтарып алынбайтын келісімін береді. Мұндай технологиялар Тұтынушының пайдаланушылық тәжірибесін дербестендіру, ұсынымдар қалыптастыру, қызмет көрсету сапасын жақсарту, алаяқтықтың алдын алу және Қазақстан Республикасының заңнамасына қайшы келмейтін өзге де мақсаттарда пайдаланылуы мүмкін. Тұтынушы жасанды интеллект жүйелерін қолдану осы Келісімнің және қолданыстағы заңнаманың талаптарына сәйкес жүзеге асырылған жағдайда, Vlife Операторының әрекеттеріне дау айтуға негеіз болмайтынын мойындайды және соған келіседі.

8.25. Тұтынушы адалдық бағдарламасы аясында өзі жүзеге асыратын әрекеттердің сервистердің жұмысын жетілдіру, қызмет көрсету сапасын арттыру, статистикалық және талдамалық модельдерді қалыптастыру, сондай-ақ Vlife Операторы мен оның аффилиирленген тұлғаларының ішкі қызметі шеңберінде пайдалану мақсатында автоматтандырылған шешімдерді, оның ішінде жасанды интеллект алгоритмдерін қолдану арқылы өңделуіне сөзсіз келісімін береді.

8.26. Тұтынушы өзінің дербес деректерін дербес деректердің тиісті қорғалуын қамтамасыз ететін мемлекеттерге, сондай-ақ Қазақстан Республикасының «Дербес деректер және оларды қорғау туралы» Заңына сәйкес Оператор қажетті қорғау шараларын қамтамасыз еткен жағдайда өзге мемлекеттерге трансшекаралық беруге келісімін береді.

8.27. Дербес деректерді беру осы Офертада көрсетілген мақсаттарда ғана жүзеге асырылады.

9.1. Vlife Super App мобильді қосымшасының және Vlife Club адалдық бағдарламасының барлық элементтері, оның ішінде бағдарламалық қамтамасыз ету, интерфейс дизайны, кескіндер, графикалық элементтер, мәтіндік материалдар, аудио және бейнематериалдар, логотиптер, қызмет көрсету белгілері, фирмалық стиль элементтері, деректер базалары және өзге де зияткерлік қызмет нәтижелері зияткерлік меншік объектілері болып табылады және Қазақстан Республикасының заңнамасымен қорғалады.

9.2. Vlife бағдарламалық қамтамасыз етуіне, дизайнына, интерфейсіне, пайдаланушылардың деректер базасына, сондай-ақ Vlife жүйесінің жұмыс істеуі үшін жасалған немесе пайдаланылатын өзге де барлық объектілерге айрықша құқықтар «Grand Era» ЖШС-не (Vlife Операторына) тиесілі.

9.3. Vlife жүйесінде орналастырылған контенттің жекелеген элементтеріне (оның ішінде тауарлардың суреттері, Vlife серіктестерінің материалдары және т.б.) құқықтар тиісті құқық иеленушілерге тиесілі. Мұндай материалдар Vlife жүйесінде шарттар, лицензиялар немесе құқық иеленушілердің келісімі негізінде орналастырылады.

9.4. Тұтынушы Vlife жүйесіне енгізілген техникалық қорғау құралдарын бұзуға немесе айналып өтуге бағытталған әрекеттерді жасамауға, сондай-ақ қосымшаның бастапқы кодына, алгоритмдеріне, деректер базасының құрылымына, техникалық құралдарына немесе қорғалған өзге де элементтеріне қол жеткізуге әрекет жасамауға міндетті.

9.5. Vlife элементтерін берілген функционал шегінен тыс кез келген түрде пайдалану, оның ішінде оларды көшіру, қайта шығару, өңдеу, тарату, жариялау, өзгерту, үшінші тұлғаларға беру, деректерді шығарып алу, коммерциялық мақсатта пайдалану немесе Vlife Операторының жазбаша келісімінсіз өзге де түрде пайдалануға тыйым салынады.

9.6. Тұтынушы Vlife Операторының немесе контентке құқық иеленушілердің айрықша құқықтарын бұзған жағдайда, Қазақстан Республикасының заңнамасына сәйкес жауапты болады, оның ішінде келтірілген залалды және құқық бұзушылық салдарынан туындаған өзге де шығындарды өтеуге міндетті.

10.1. Vlife қосымшасы және Тұтынушының Vlife Club адалдық бағдарламасына қатысуына байланысты функционал Тұтынушыға «осы күйі» («as is») ұсынылады. Vlife Операторы Қосымшаның үздіксіз жұмыс істеуіне кепілдік бермейді және Тұтынушы пайдаланатын жабдықтың немесе байланыс қызметтерінің сапасын қоса алғанда, Оператордың бақылауынан тыс мән-жайлардан туындаған жұмысындағы шектеулер үшін жауапты болмайды.

10.2. Vlife Операторы Vlife серіктестерінің әрекеттері үшін, оның ішінде Транзакциялар туралы деректердің дұрыс берілуіне, Баллдардың есептелуі мен пайдаланылуына, сондай-ақ Серіктестердің Тұтынушы алдындағы өз міндеттемелерін орындауына жауапты болмайды.

10.3. Vlife Операторы төмендегі жағдайлардың салдарынан туындаған кез келген салдарлар үшін жауап бермейді:

10.3.1. Тұтынушының дұрыс емес немесе ескірген деректер пайдалануы;

10.3.2. Тұтынушының қате Абоненттік нөмір көрсетуі;

10.3.3. Тұтынушының өзінің Қолжеткізу кодтарын үшінші тұлғаларға беруі салдарынан Қосымшаға рұқсатсыз қол жеткізілуі.

10.4. Vlife Операторы осы Оферта бойынша міндеттемелерін толық немесе ішінара орындамағаны үшін, егер бұл белгіленген тәртіппен расталған еңсерілмейтін мән-жайларының (форс-мажор) салдарынан болса, жауапкершіліктен босатылады. Еңсерілмейтін мән-жайларына Тұтынушы ықпал ете алмайтын және олардың туындауына жауапты болмайтын оқиғалар жатады, оның ішінде: соғыс, көтеріліс, ереуіл, жер сілкінісі, су тасқыны, өзге де табиғи апаттар, өрт, тараптардың кінәсінен болмаған электрмен жабдықтаудың үзілуі, Шарт жасалғаннан кейін қабылданған және Шартта көзделген міндеттемелерді орындауды мүмкін емес ететін мемлекеттік органдардың әрекеттері мен актілері, байланыс желілерінің және/немесе үшінші тұлғалардың кез келген сервистері мен өнімдерінің (оның ішінде интернет-провайдерлердің) қолжетімсіз болуы, сондай-ақ басқа да күтпеген әрі тараптардың бақылауынан тыс мән-жайлар.

11.1. Тұтынушы автоматты түрде келесі жағдайлардың кез келгені орын алған сәттен бастап Vlife Club бағдарламасының қатысушысы ретінде есептеледі: Vlife мобильді қосымшасында тіркелген кезде; Тұтынушының Абоненттік нөміріне жіберілген бір реттік SMS-кодты растаған кезде; Тұтынушы өзінің Абоненттік нөмірін көрсете отырып, Vlife серіктесінде алғашқы Транзакцияны жасаған кезде.

11.2. Тұтынушы мәртебесі Vlife арқылы жасаған Транзакцияларының саны мен жиілігіне қарай айқындалады.

11.3. Тұтынушы Оператор белгілеген талаптарды орындаған кезде оның мәртебесі жоғарылайды. Әрбір мәртебеге берілетін артықшылықтар мен Баллдардың есептелу мөлшері Vlife жүйесіндегі тиісті Серіктестің парақшасында көрсетіледі.

11.4. Мәртебені ақылы негізде сатып алу (Мәртебе жазылымы). Тұтынушы Мәртебеге 1 (бір) айға немесе 12 (он екі) айға жазылым сатып алуға құқылы. Жазылым Тұтынушыға оның қолданылу мерзімі ішінде Vlife Club бағдарламасындағы ең жоғары мәртебені береді және Тұтынушы белсенділігіне (Транзакциялар саны мен жиілігіне) қарай анықталатын мәртебеден басымдыққа ие болады. Жазылымды сатып алу Тұтынушының белсенділігін жалпы қағидалар бойынша есепке алуды тоқтатпайды және жоймайды. Жазылым мерзімі аяқталғаннан кейін Тұтынушы мәртебесі жазылым аяқталған сәттегі нақты белсенділігіне сәйкес деңгейге автоматты түрде қайтарылады. Бұл ретте жазылым бойынша берілген артықшылықтар сақталмайды. Жазылым автоматты түрде ұзартылмайды және оның мерзімі аяқталғаннан кейін Тұтынушының банк картасынан қаражат автоматты түрде есептен шығарылмайды. Жоғары мәртебені қайта алу үшін Тұтынушы жаңа Жазылымды өз бетінше ресімдейді. Жазылымды сатып алу саны бойынша шектелмейді. Жазылым үшін төленген қаражат Қазақстан Республикасының заңнамасында тікелей көзделген жағдайларды қоспағанда, қайтарылмайды. Тұтынушыда қолданыстағы Мәртебеге жазылым болғанына қарамастан, осы Офертадағы Vlife Операторының Тұтынушы мәртебесі мен Баллдарын жоюға, сондай-ақ оның адалдық бағдарламасына қатысуын шектеуге немесе тоқтатуға қатысты ережелері толық көлемде қолданылады.

11.5. Vlife Операторы біржақты тәртіппен:

11.5.1. мәртебе беру шарттарын өзгертуге;

11.5.2. Баллдардың есептелу мөлшерін өзгертуге;

11.5.3. мәртебе деңгейлерін қосуға немесе алып тастауға;

11.5.4. мәртебені анықтау және Баллдарды есептеу кезінде ескерілетін Транзакциялар санын шектеуге құқылы.

11.6. Рефералдық бағдарлама.

11.6.1. Достарын шақыру үшін Тұтынушы Vlife Club → «Дос шақыру» бөліміне өтіп, ұсынылған тәсілдердің бірін (сілтеме, QR-код немесе басқа қолжетімді әдістерді) пайдаланады.

11.6.2. Vlife Операторы рефералдық бағдарламаның шарттарын өзгертуге, лимиттер белгілеуге немесе оның қолданылуын кез келген уақытта тоқтатуға құқылы.

11.7. Баллдарды есептеу және пайдалану.

11.7.1. Баллдар Тұтынушыға Vlife адалдық бағдарламасы арқылы Vlife серіктестерінде жасалған зат сатып алулар мен Транзакциялар үшін Серіктестердің парақшаларында көрсетілген пайыздарға сәйкес есептеледі.

11.7.2. Vlife Операторы:

11.7.2.1. есептелетін Баллдардың мөлшерін шектеуге;

11.7.2.2. Балл есептелетін Транзакциялар санын шектеуге;

11.7.2.3. жекелеген Серіктестер, тауар санаттары, кезеңдер немесе акциялар үшін Баллдарды есептеудің жеке шарттарын белгілеуге;

11.7.2.4. Баллдарды есептеуді толықтай уақытша тоқтатуға құқылы.

11.7.3. Балл бағамы және көрсетілуі.

11.7.3.1. Vlife жүйесінде, егер нақты Серіктестің шарттарында өзгеше көзделмесе, 1 Балл = 1 теңге болып есептеледі.

11.7.4. Баллдар Транзакция аяқталған сәттен бастап 24 сағат ішінде есептеледі. Жиналған Баллдар Тұтынушының профиліндегі Vlife Club бөлімінде көрсетіледі.

11.7.5. Тауарды қайтару және Баллдарды қайта есептеу.

11.7.5.1. Баллдарды пайдалана отырып сатып алынған тауарларды қайтару Қазақстан Республикасы заңнамасына сәйкес жүзеге асырылады.

11.7.5.2. Тауар қайтарылған жағдайда Баллдар Тұтынушы шотына 3 (үш) жұмыс күні ішінде қайтарылады.

11.7.5.3. Егер қайтарылған тауар үшін бұрын Баллдар есептеліп қойған болса, тиісті Баллдар Тұтынушы шотынан есептен шығарылады.

11.7.5.4. Егер бұл Баллдар бұрын пайдаланылып кеткен болса, Тұтынушы шотында теріс баланс қалыптасады.

11.7.5.5. Кейін есептелетін барлық Баллдар теріс балансты толық өтегенге дейін автоматты түрде соны жабуға жіберіледі.

11.7.6. Арнайы шарттар.

11.7.7. Vlife Операторы:

• Баллдарды есептеу;

• Баллдарды пайдалану;

• Баллдардың күшін жою;

• Баллдардың қолданылу мерзімі;

• тауарлар мен қызметтердің жекелеген санаттарына қатысты шектеулер бойынша арнайы шарттар белгілеуге құқылы.

11.7.8. Арнайы шарттар туралы ақпарат Vlife қосымшасында немесе Серіктестің парақшасында орналастырылады.

11.7.9. Баллдардың күшін жою және Тұтынушыны бұғаттау.

11.7.9.1. Vlife Операторы келесі жағдайларда Баллдардың күшін жоюға құқылы:

• қате немесе техникалық есептеу;

• жүйедегі ақау салдарынан есептелуі;

• жарамсыз немесе күші жойылған Транзакциялар үшін есептелуі;

• бағдарлама талаптарының бұзылуы нәтижесінде есептелуі.

11.7.9.2. Vlife Операторы Тұтынушыны алдын ала ескертусіз бұғаттауға және/немесе бағдарламадан шығаруға құқылы, егер:

• Тұтынушы жалған мәліметтер ұсынса;

• Баллдарды есептеу жүйесін теріс пайдаланса;

• Транзакциялармен алаяқтық жасаса;

• Баллдарды жасанды түрде көбейтуге әрекет жасаса;

• бағдарлама талаптарын бұзса;

• алаяқтық әрекеттер анықталса;

• адал емес әрекеттерге күдік туындаса;

• Тұтынушы әрекеттері Операторға, Серіктестерге немесе үшінші тұлғаларға материалдық, беделдік немесе өзге де залал келтірсе.

11.7.9.3. Тұтынушы Vlife Операторының Баллдардың күшін жою немесе Тұтынушыны бұғаттау туралы шешімі себептері түсіндірілместен қабылдануы мүмкін екенін мойындайды және оған келіседі. Оператордың мұндай шешіміне шағым жасауға болмайды.

11.8. Егер заң бұзушылық белгілері немесе алаяқтық әрекеттер анықталса, Vlife Операторы Тұтынушының дербес деректерін мемлекеттік органдарға беруге құқылы.

11.9. Vlife Club бағдарламасы:

• Vlife Операторының қызметкерлеріне;

• Vlife серіктестерінің қызметкерлеріне;

• олардың отбасы мүшелері мен өзге де жақын туыстарына қолданылмайды.

11.10. Vlife Club адалдық бағдарламасы Vlife Операторының ерікті бастамасы болып табылады және оның міндеттемесі болып саналмайды; Тұтынушыға осы Офертада тікелей көзделген құқықтардан басқа мүліктік немесе өзге де құқықтар бермейді және Тұтынушыны алдын ала хабардар етпестен кез келген уақытта өзгертілуі, уақытша тоқтатылуы немесе толықтай тоқтатылуы мүмкін.

12.1. Баллдарды есептеу тәртібі.

12.1.1. Баллдар Тұтынушыға Vlife серіктестерінде Транзакция жасаған кезде, Тұтынушы Vlife адалдық бағдарламасы мен Vlife мобильді қосымшасының функционалын дұрыс пайдаланған жағдайда есептеледі. Бұған QR-кодты көрсету, Абоненттік нөмір арқылы сәйкестендіру немесе Vlife Операторы белгілеген өзге тәсілдер жатады.

12.1.2. Баллдар тек Vlife Операторы Бағдарлама талаптарына сәйкес белгілеген және Тұтынушыға қолжетімді арналарда жарияланған сомаға ғана есептеледі.

12.1.3. Баллдардың есептелу мөлшерін, оларды есептеу тәртібін және Баллдар берілетін операциялардың тізбесін Vlife Операторы біржақты тәртіппен айқындайды.

12.1.4. Баллдар Транзакция толық әрі дұрыс өңделген жағдайда ғана есептеледі.

12.1.5. Vlife Операторы Баллдардың есептелуіне кедергі келтіретін кешігулер, ақаулар, қателер немесе өзге де техникалық жағдайлар үшін жауапты болмайды.

12.1.6. Есептелетін Баллдардың мөлшері Тұтынушы мәртебесіне, сондай-ақ Vlife серіктесі мен Vlife Операторы белгілеген есептеу шарттарына байланысты болады. Баллдардың нақты есептеу пайызы, Баллдар есептелетін тауарлар мен қызметтердің тізбесі және ықтимал шектеулер Vlife Операторы мен тиісті Серіктес арасындағы жеке келісімдермен айқындалады.

12.1.7. Vlife Операторы Тұтынушыны алдын ала хабардар етпей-ақ кез келген уақытта мәртебелердің тізбесін, есептелетін Баллдардың мөлшерін және мәртебелер арасында ауысу шарттарын өзгертуге құқылы.

12.2. Баллдар есептелмейтін жағдайлар.

12.2.1. Тұтынушыға Баллдар келесі жағдайларда есептелмейді:

• Тұтынушы Vlife адалдық бағдарламасын пайдалану талаптарын сақтамаған болса;

• Тұтынушы QR-кодты немесе өзге сәйкестендіргішті көрсетпесе немесе қате көрсетсе;

• Транзакцияның күшін жойылса, қайтарылса, қабылданбаса, кері қайтарылса немесе жарамсыз деп танылса;

• Транзакция Оператор белгілеген Баллдарды есептеу қағидаларына сәйкес келмесе;

• Баллдарды есептеу заңнамамен немесе Серіктестің талаптарымен шектелген болса.

12.2.2. Vlife Операторы Баллдар есептелетін немесе есептелмейтін тауарлардың, қызметтердің және Транзакциялардың тізбесін өз бетінше айқындауға құқылы.

12.3. Баллдарды есептеу мерзімі және қолданылу мерзімі.

12.3.1. Баллдар Транзакция аяқталған сәттен бастап 24 (жиырма төрт) сағатқа дейінгі мерзімде есептеледі.

12.3.2. Vlife Операторы Тұтынушыны алдын ала хабардар етпей-ақ Баллдарды есептеу мерзімін ұзартуға құқылы.

12.3.3. Бір күнтізбелік тәулік ішінде Тұтынушыға барлық Транзакциялар мен барлық Vlife серіктестері бойынша жиынтық есептелетін Баллдардың ең жоғары мөлшері 100 000 (жүз мың) Баллды құрайды. Осы тәуліктік лимиттен асатын Баллдар есептелмейді, қалпына келтірілмейді және өтелмейді. Vlife Операторы Тұтынушыны алдын ала хабардар етпей-ақ бұл тәуліктік лимиттің мөлшерін біржақты тәртіппен өзгертуге құқылы.

12.3.4. Vlife Операторы бір күнтізбелік тәулік ішінде Баллдар есептелетін Транзакциялар санына шектеу қоюға құқылы. Мұндай шектеу әрбір Vlife серіктесі үшін жеке белгіленуі мүмкін (сатып алу жиілігінің лимиті). Лимит мөлшерін Оператор әр Серіктес үшін жеке белгілейді және оны алдын ала хабарламай өзгерте алады. Әрбір Серіктес бойынша қолданыстағы лимиттер Vlife қосымшасындағы Серіктес парақшасында орналастырылады. Белгіленген тәуліктік лимиттен асқан Транзакциялар төлем жасау үшін жарамды болып саналады, бірақ олар үшін Баллдар есептелмейді.

12.3.5. Баллдардың қолданылу мерзімі есептелген күннен бастап 12 (он екі) күнтізбелік айды құрайды.

12.3.6. Қолданылу мерзімі аяқталғаннан кейін Баллдардың күші автоматты түрде жойылады. Олар қалпына келтірілмейді және өтелмейді.

12.4. Баллдарды пайдалану.

12.4.1. Егер Vlife Операторы өзгеше белгілемесе, Vlife адалдық бағдарламасы шеңберінде 1 (бір) Балл = 1 (бір) теңге.

12.4.2. Баллдарды пайдалану Тұтынушы барлық сәйкестендіру рәсімдерінен өткен және Vlife пайдалану қағидаларын сақтаған жағдайда ғана мүмкін болады.

12.4.3. Баллдарды тек өзіне тиесілі Тұтынушы ғана пайдалана алады. Баллдарды айырбастауға, қайтаруға, басқа тұлғаға беруге немесе қандай да бір тәсілмен иеліктен шығаруға болмайды.

12.4.4. Бір Транзакция аясында Vlife серіктесінің тауарларының және (немесе) қызметтерінің құнының 90%-ынан (тоқсан пайызынан) аспайтын бөлігі ғана Баллдармен төленуі мүмкін. Қалған сома Тұтынушының ақшалай қаражаты арқылы төленеді. Vlife Операторы Тұтынушыны алдын ала хабардар етпей-ақ Баллдармен төлеудин ең жоғары мөлшерін өзгертуге, сондай-ақ жекелеген Vlife серіктестері, тауарлар мен қызметтердің санаттары, кезеңдер немесе акциялар үшін өзге лимиттер белгілеуге құқылы. Әрбір Серіктес бойынша қолданыстағы лимит Vlife қосымшасындағы Серіктес парақшасында орналастырылады.

12.5. Баллдардың күшін жою және түзету.

12.5.1. Vlife Операторы төмендегі жағдайлар анықталған кезде Тұтынушының кез келген Баллдарының күшін біржақты тәртіппен жоюға құқылы:

• Баллдарды есептеу кезіндегі техникалық қателер;

• Транзакцияның күшін жою немесе түзетілуі;

• тауардың немесе қызметтің қайтарылуы;

• Баллдарды есептеу талаптарының бұзылуы;

• теріс пайдалану, адал емес әрекеттерге күдік, айла-шарғы жасау әрекеттері немесе негізсіз пайда алу.

12.5.2. Егер есептелген Баллдар түзетілгенге немесе күші жойылғанға дейін Тұтынушы тарапынан пайдаланылып қойса, Тұтынушы шотында теріс қалдық пайда болуы мүмкін.

12.5.3. Кейін есептелетін Баллдар автоматты түрде осы теріс қалдықты өтеуге бағытталады.

12.5.4. Vlife Операторының Баллдардың күшін жою туралы шешімі түпкілікті болып табылады, негіздеме беруді талап етпейді және оған шағым жасауға болмайды.

12.6. Бағдарламаны шектеу, өзгерту немесе тоқтату құқығы.

12.6.1. Vlife Операторы Тұтынушы келісімінсіз және оларды алдын ала хабардар етпей-ақ кез келген уақытта:

• Vlife адалдық бағдарламасының қағидаларын өзгертуге;

• Баллдарды есептеу және пайдалану функционалын шектеуге;

• Баллдарды есептеуді уақытша тоқтатуға;

• Vlife адалдық бағдарламасын толық немесе ішінара тоқтатуға құқылы.

12.6.2. Vlife адалдық бағдарламасы тоқтатылған жағдайда, пайдаланылмаған барлық Баллдардың күші жойылады және олар үшін өтемақы төленбейді.

13.1. Тұтынушының Vlife адалдық бағдарламасына тіркелуі оның Ойынға қатысу қағидалары мен талаптарына толық келісетінін білдіреді.

13.2. Vlife Операторы Тұтынушыны алдын ала хабардар етпей-ақ кез келген уақытта өз қалауы бойынша Ойынды, оның функционалын және қағидаларын өзгертуге, жаңартуға, шектеуге, уақытша тоқтатуға немесе жоюға құқылы.

13.3. Тұтынушы Ойынды «осы күйінде» (as is) қабылдайды.

13.4. Vlife Операторы:

13.4.1. Ойынның мазмұны, интерфейсі, механикасы және нәтижелері үшін;

13.4.2. техникалық ақаулар, қателер, үзілістер, Ойынның қолжетімсіз болуы немесе дұрыс жұмыс істемеуі үшін;

13.4.3. Тұтынушының құрылғысын немесе аккаунтын пайдаланатын үшінші тұлғалардың, оның ішінде кәмелетке толмағандардың қатысуы үшін жауапты болмайды.

13.5. Vlife ойыны құмар ойын, лотерея, тотализатор немесе Қазақстан Республикасының құмар ойындар мен лотереялар туралы заңнамасымен реттелетін өзге де қызмет түрі болып табылмайды.

13.6. Ойынға қатысу Тұтынушыға ұтыс, сыйақы немесе қандай да бір нәтижеге қол жеткізуге кепілдік бермейді.

13.7. Тұтынушы Ойынға өз еркімен және өзі тәуекел жасай отырып қатысады.

13.8. Тұтынушы Ойын нәтижелері кездейсоқ болуы, өзгеруі немесе қандай да бір сыйақыға әкелмеуі мүмкін екенімен келіседі.

13.9. Тұтынушы Ойын нәтижелеріне байланысты Vlife Операторына, Серіктестерге немесе Ойынды техникалық қолдауға қатысатын үшінші тұлғаларға ешқандай талап қоюға құқылы емес.

13.10. Тұтынушының «Ойнау» батырмасын немесе соған ұқсас функцияны басуы оның Vlife ойынына қатысуға толық келісімін білдіреді.

14.1. Vlife Операторы Тұтынушылармен арадағы қатынастарынан туындайтын өз құқықтары мен міндеттерін үшінші тұлғаларға беруге немесе өзге тәсілмен табыстауға құқылы. Vlife және ұсынылатын сервистер профилактикалық немесе өзге де жұмыстардың жүргізілуіне, сондай-ақ техникалық сипаттағы басқа да себептерге байланысты уақытша ішінара немесе толық қолжетімсіз болуы мүмкін.

14.2. Vlife Операторы Тұтынушыларды алдын ала хабардар ете отырып немесе хабардар етпей, қажетті профилактикалық немесе өзге де жұмыстарды мерзімді түрде жүргізуге құқылы.

14.3. Тұтынушы мен Vlife Операторы арасындағы қатынастарға Қазақстан Республикасының заңнамасы қолданылады.

14.4. Тұтынушыда сұрақтар немесе наразылықтар туындаған жағдайда, ол client@Vlife.kz электрондық поштасына хат жолдау арқылы Vlife Операторына жүгіне алады. Тараптар туындаған барлық дауларды алдымен келіссөздер арқылы шешуге тырысады. Келісімге қол жеткізілмеген жағдайда, дау Қазақстан Республикасының қолданыстағы заңнамасына сәйкес сот органдарының қарауына беріледі. Сот осы Шарттың қандай да бір ережесін жарамсыз деп таныған жағдайда, бұл қалған ережелердин жарамсыздығына әкеп соқпайды.

14.5. Vlife Серіктестер сататын тауарлар мен қызметтердің сатушысы болып табылмайды және мұндай тауарлар мен қызметтерді қайтару немесе айырбастау үшін жауап бермейді. Тауардың немесе қызметтің сапасына, қайтарылуына немесе айырбасталуына қатысты барлық талаптар сатып алу жүзеге асырылған Серіктеске тікелей жолдануға тиіс.

14.6. Егер қаражат немесе Баллдар қате есептен шығарылса, Тұтынушы Vlife қолдау қызметіне жүгіне алады. Қаражатты немесе Баллдарды қайтару ішкі тексеру жүргізілгеннен кейін және растайтын құжаттар болған жағдайда жүзеге асырылады.

14.7. Өтініште Тұтынушы мынадай ақпаратты көрсетуге тиіс:

• операцияның күні мен уақыты;

• сауда жасалған Серіктестің атауы;

• өтініш беру себебінің сипаттамасы;

растайтын құжаттарды (түбіртек, скриншот немесе өзге құжаттарды) қоса беру.

14.8. Өтініш барлық қажетті ақпарат толық ұсынылған күннен бастап 10 (он) жұмыс күніне дейінгі мерзімде қаралады. Жекелеген жағдайларда бұл мерзім ұзартылуы мүмкін, бұл туралы Тұтынушыға қосымша хабарланады.

14.9. Санкциялық ереже.

14.9.1. Тұтынушы қолданылатын барлық шектеу шараларын, соның ішінде экономикалық, қаржылық және сауда санкцияларын, сондай-ақ эмбаргоға, блокадаға, ақша қаражаты мен экономикалық ресурстарды бұғаттауға, жеке немесе заңды тұлғалармен мәмілелер жасауға қойылатын шектеулерге немесе жекелеген тауарлар мен аумақтарға қатысты шектеулерге байланысты талаптарды сақтауға міндеттенеді. Бұл талаптар белгілі бір мемлекеттердің, аумақтардың, ұйымдардың, заңды немесе жеке тұлғалардың қатысуымен қызмет жүргізуге немесе транзакциялар жасауға тыйым салуы мүмкін.

14.9.2. Тұтынушы Vlife Операторы мен оның қызметкерлерінің осы санкциялық ереженің талаптарын бұзу салдарынан немесе Тұтынушының осы ережедегі міндеттемелерін орындамауы салдарынан туындаған кез келген шығындарды, залалдарды, айыппұлдар мен шығыстарды өтеуге келісім береді.

14.9.3. Vlife Операторы осы санкциялық ереженің талаптарын сақтау мақсатында кез келген уақытта Тұтынушының транзакцияларын бұғаттауға немесе оның Vlife жүйесіне қол жеткізуін шектеуге құқылы.

Vlife operatorы туралы мәліметтер:

«GRAND ERA» ЖШС

БСН: 181140035846

Заңды мекенжайы: 050059, Қазақстан Республикасы, Алматы қ., Самал-2 ықшамауданы, 67-үй

Vlife серіктестерінің тізімі