1.1. Терминдер

Келісімшарт – осы қосылу келісімшарты.

Vlife мобильді қосымшасы (бұдан әрі – Vlife) – «Grand era» ЖШС-не тиесілі, түрлі тапсырмаларды орындауға арналған бағдарламалық қамтамасыз ету.

Пайдаланушы / Клиент – өз құрылғысына Vlife қосымшасын орнатып, тіркеліп, іске қосқан және осы Офертада көрсетілген тәртіппен Серіктестер желісінде сатып алулар жасайтын тұлға.

Vlife Серіктесі – Vlife арқылы өз тауарлары мен қызметтерін ұсынатын коммерциялық ұйым.

Vlife Операторы – Vlife мобильді қосымшасының құқық иесі, «Grand era» ЖШС заңды тұлғасы.

Мобильді құрылғы – Android немесе iOS операциялық жүйелерін пайдаланатын смартфондар, планшеттер және басқа құрылғылар, оларға Vlife орнатуға болады.

Аутентификациялық деректер – Vlife жүйесіне тіркелу мен авторизациядан өту үшін қажет Пайдаланушының жеке деректері.

Тіркелу – Vlife мүмкіндіктерін пайдалану үшін Пайдаланушының жеке деректерін беру процесі.

Авторизация – Vlife тіркелген пайдаланушы ретінде қолдану үшін қажетті әрекеттер тәртібі.

SMS-авторизация – тіркелген телефон нөміріне бір реттік SMS-код жіберу арқылы Пайдаланушыны сәйкестендіру процедурасы.

SMS-код – операцияларды растауға арналған бір реттік код.

Vlife Клуб – бес мәртебеден тұратын Клиенттердің бейілділік бағдарламасы, ол Vlife қосымшасындағы белгілі бір транзакциялар үшін Серіктестер ұсынатын жеңілдіктер мен артықшылықтар жүйесі арқылы Ұпай алуға мүмкіндік береді.

Пайдаланушы мәртебесі – бейілділік бағдарламасындағы Пайдаланушы белсенділігінің деңгейі.

Ұпай – Vlife Операторы белгілеген ережелерге сай есептелетін және шегерілетін Пайдаланушы шотындағы есептік бірлік.

ХТТ – халық тұтынатын тауарлар.

МӨ – мұнай өнімдері.

Көптөлем – төлемнің бір бөлігін ұпаймен, бір бөлігін банк картасымен (және/немесе қолма-қол ақшамен жанармай құю бекетінде немесе Vlife серіктестер желісінде) төлеу мүмкіндігі.

Пайдаланушы шоты – Пайдаланушы Ұпайларының есептелуі мен шегерілуі туралы қосымшадағы ақпарат жиынтығы.

Транзакция – нәтижесінде Ұпай есептелетін немесе шегерілетін операция.

Серіктес беті – Vlife қосымшасындағы Серіктес туралы, оның қызметтері және Клиент мәртебесіне қарай Ұпайлардың пайыздық мөлшері туралы ақпарат көрсетілетін бет.

Абоненттік нөмір – Клиентке/Пайдаланушыға тіркелген телефон нөмірі.

Жанармай құю бекеті мен автогаз құю станциясы (ЖҚБ, АГҚС, ЖҚБ-АГҚС) – көліктерге жанармай және автогаз құюға арналған, «PetroRetail» ЖШС (Qazaq Oil және ҚазМұнайГаз брендтері) және «Автогаз Трейд» ЖШС (GASENERGY бренді) желілеріне тиесілі техникалық жабдықтар кешені.

Электр зарядтау станциясы (ЭЗС) – электр қуатымен жүретін көліктерді қуаттауға арналған арнайы техникалық құрылғы.

Vlife Серіктестеріне жанармай құю бекеттері мен электр зарядтау станцияларынан басқа да нысандар мен қызметтер кіреді.

1.2. Шарттың мәні

Осы Шарт Vlife Super App мобильді қосымшасын (бұдан әрі — Vlife) пайдалану тәртібін белгілейді — смартфондар, планшеттер және басқа да мобильді құрылғыларға арналған қосымша (iOS және Android операциялық жүйелерінде жұмыс істейтін), оған айрықша құқық «Grand era» ЖШС-не (бұдан әрі — Vlife Операторы) тиесілі. Осы Шарт Пайдаланушы мен Vlife Операторы арасында жасалған заңды міндетті келісім болып табылады, оның мәні — Vlife Операторының Пайдаланушыға Vlife қосымшасын оның функционалдық мүмкіндіктеріне сәйкес, Vlife Операторы айқындаған көлемде пайдалану құқығын беруі, сондай-ақ қосымша қызметтер мен сервистерді көрсетуі.

1.3. Қосымшада тіркелуге байланысты міндеттемелер

Пайдаланушы Vlife-қа тіркелмей тұрып осы Шартпен толық танысуы тиіс. Vlife қосымшасына тіркелу арқылы Пайдаланушы осы Шартты толығымен және даусыз қабылдайды (Қазақстан Республикасы Азаматтық кодексінің 396-бабы). Vlife-ті пайдалану Пайдаланушының мынадай келісімін білдіреді: Vlife арқылы дайындалған және/немесе жіберілген электрондық құжаттар мен бұйрықтар (аутентификациялық деректер және/немесе кіру кодтары енгізілген жағдайда) қағаз түріндегі құжаттармен тең, әрі заңды күшке ие. Сондай-ақ, Vlife-ті пайдалану Пайдаланушының қосымшадағы кез келген әрекеттері — белгішелерді басу, түймешелерді, сілтемелерді, атауларды басу, деректерді енгізу және т.б. — нақты әрекет жасау ниетін білдіреді. Мысалы, «Төлеу» түймешесін басу Пайдаланушының төлем жасауға нақты ниеті бар екенін білдіреді. Vlife Пайдаланушысы ретінде, әдепкі бойынша, өз құрылғысына Vlife орнатып, тіркелген кәмелет жасқа толған тұлға танылады. Тіркелу арқылы Пайдаланушы өзінің кәмелетке толғанын растайды. Егер кәмелетке толмаған тұлға Vlife қолданса немесе Пайдаланушы қосымшаны бөгде құрылғыға орнатса, не басқа нөмірді пайдаланса — бұл үшін Vlife Операторы жауап бермейді. Пайдаланушы мен Vlife немесе оның Серіктестері арасындағы қарым-қатынас жалпы қабылданған мораль және коммуникациялық әдеп шеңберінде болуы тиіс. Қарғыс сөздер, балағат, қорлау, қорқыту мен бопсалауға қатаң тыйым салынады. Vlife Операторы күдікті белсенділік немесе Шартты жүйелі бұзу жағдайында кез келген Пайдаланушыны бұғаттауға құқылы. Күдікті белсенділікке бірнеше тапсырысты қатар орындап, артынан оларды болдырмау сынды әрекеттер жатады (бірақ олармен шектелмейді).

1.4. Пайдаланушыға ұсынылатын функциялар

Vlife қызметтері делдалдық сипатқа ие. Vlife Пайдаланушы мен Vlife Серіктестері арасында өзара әрекет жасауға мүмкіндік береді, соның ішінде ақпарат алмасу мен кейбір операцияларды орындау. Vlife Операторы Серіктестердің әрекеттеріне жауап бермейді. Қосымшаның функциялары «қалпындағыдай» (as is) ұсынылады. Осы арқылы Vlife Операторы Пайдаланушыға мынадай көлемде және тәсілдермен қосымшаны пайдалануға тегін, ерекше емес, берілмейтін, мерзімсіз лицензия ұсынады:

- Vlife-ті Пайдаланушының құрылғысына орнату;

- Vlife жүйесіне тіркелу және авторизация;

- Жеке кабинеттің жеке баптауларын орнату және өзгерту;

- Төлем карталарын қосу;

- Сатып алулар жасау;

- Төлемдер жасау;

- Сыртқы сервистерге төлем жасау;

- Қызметтерге төлеу;

- Сатып алғаннан кейін Vlife Серіктестері туралы пікірлер мен бағалар қалдыру;

- Vlife Клубқа қатысу, соның ішінде Ұпайлар мен сыйлықтар алу.

Vlife функционалы Пайдаланушының құрылғысындағы операциялық жүйеге байланысты аздап ерекшеленуі мүмкін.

1.5. Қосылу шартының қабылдануы, әрекеті, өзгеруі және бұзылу тәртібі

Шарт Пайдаланушы Vlife қосымшасына тіркелген сәттен бастап қабылданған және жасалған деп есептеледі. Егер Пайдаланушы Шартпен келіспесе, ол Vlife қолдануды дереу тоқтатуы тиіс. Шарт мерзімсіз әрекет етеді. Vlife Операторы Шарттың кез келген ережелерін алдын ала ескертусіз өзгертуге құқылы. Сондай-ақ, ол Шарттың әрекетін кез келген уақытта тоқтатуға немесе оны орындалған деп тануға құқылы. Пайдаланушы Шартты бұзуға ниет білдірсе, Vlife Операторына жазбаша өтініш жолдай алады. Шарттың өзекті нұсқасы Vlife-тің Play Market, App Store және AppGallery-дегі соңғы нұсқасында орналастырылады. Пайдаланушы қосымшаны қолдануды жалғастырса, ол барлық өзгерістермен келісетінін білдіреді. Егер келіспесе – қолдануды тоқтатуы керек. Шарт қосымшаның барлық жаңартуларына/жаңа нұсқаларына қолданылады. Қосымшаны пайдалану – Пайдаланушының осы Қосылу шартына (ҚР АК 389-бабына сәйкес), соның ішінде осы Шарттың III бөліміндегі Жеке деректерді жинау мен өңдеу туралы Құпиялық саясатына толық келісімін білдіреді.

1.6. Vlife жүйесіне тіркелу және қол жеткізу тәртібі

Қосымшада тіркелу Пайдаланушының абоненттік нөмірін енгізу, содан кейін Vlife Операторы жіберген SMS-хабарламадан тексеру кодын алу және енгізу арқылы жүзеге асырылады. Vlife-ке қол жеткізу үшін Пайдаланушы өзінің Аутентификациялық деректерін — Абоненттік нөмір мен құпиясөзді, бір реттік SMS-кодты және/немесе Кіру кодын немесе басқа да деректерді енгізуі керек. Бұл деректер Vlife арқылы Серіктестер мен Пайдаланушы арасында ақпарат алмасу мен операциялар жасауға мүмкіндік береді. Аутентификациялық деректер енгізілгеннен кейін, авторизация сәтті өткен соң, Пайдаланушы Vlife қосымшасына 4 таңбалы жеке кіру кодын орната алады және балама аутентификация әдісін таңдай алады (мысалы, Face ID немесе саусақ ізі арқылы), егер мұндай мүмкіндік оның құрылғысында бар болса. Vlife арқылы сатып алу, төлем жасау, Vlife Клубқа қатысу, Ұпайлар мен сыйлықтар алу және басқа да авторизацияны талап ететін әрекеттер үшін тіркелу міндетті. Vlife Пайдаланушы тіркелу кезінде ұсынған ақпараттың дұрыстығына жауап бермейді. Пайдаланушы логин мен құпиясөзді үшінші тұлғаларға жарияламауға міндетті. Қауіпсіздікке қатысты күмән туындаған жағдайда немесе логин мен құпиясөздің үшінші тұлғаларға қолжетімділігі анықталса, Пайдаланушы бұл туралы дереу client@vlife.kz электронды поштасына хабарлауы тиіс.

1.7. Кепілдіктен бас тарту және жауапкершіліктің шектелуі

Заңда өзгеше көзделмесе, Vlife Операторы қосымшаны пайдалану мүмкін еместігіне байланысты туындайтын кез келген шығындар үшін жауап бермейді. Vlife-ті пайдалану немесе пайдалана алмау салдарынан туындаған кез келген түрдегі шығындар үшін (тікелей, жанама, кездейсоқ, т.б.) Vlife Операторы жауапты емес. Қосымшаның кейбір функциялары қолжетімді болмаса немесе хабарламалар келмесе, не операцияны аяқтау мүмкін болмаса, мынадай себептермен жауапкершілік алынбайды:

- Пайдаланушы құрылғысының істен шығуы — батареяның отыруы, жадтың толуы, бағдарламалық ақаулар және т.б.;

- Интернетке қосылуда ақаулар — қосымша жұмыс істемейді;

- Байланыс мәселелері — SMS-хабарлама келмейді;

- Жаңарту орындалмаған — ескі нұсқа қолданылып жатыр.

Сондай-ақ, қосымшаның немесе желінің қолжетімсіздігі, байланыстың үзілуі, жүйенің бұзылуы, мобильді құрылғының жұмысына қатысты кез келген мәселе үшін де Оператор жауапты емес. Қосымшаны пайдалану кезінде туындайтын форс-мажор жағдайлары үшін де жауапкершілік алынбайды. Бұған соғыс, бүлік, ереуіл, жер сілкінісі, су тасқыны, өрт, электрмен жабдықтаудың үзілуі, мемлекеттік органдардың әрекеттері, интернет қызметтерінің қолжетімсіздігі және басқа да бақылауға келмейтін жағдайлар жатады.

1.8. Рұқсаттар мен қолжетімділіктер

Пайдаланушы келесі әрекеттерді жасауға құқығы жоқ:

• Vlife бағдарламалық кодын өзгерту, декомпиляциялау (бастапқы кодты қалпына келтіру), шифрын бұзу;

• Vlife негізінде туынды өнімдер жасау;

• Үшінші тұлғалардың құқықтарын бұзуға немесе Қазақстан Республикасының заңнамасына қайшы келетін мақсаттарға пайдалану;

• Лицензияланбаған бағдарламалық қамтамасыз етілген құрылғыларға орнатып, қолдану.

Лицензияланбаған бағдарламаларда Vlife-тің дұрыс жұмыс істеуіне Оператор жауап бермейді.

Vlife толық функционалын іске асыру үшін, Пайдаланушының алдын ала келісімімен, келесі ресурстарға қол жеткізуі мүмкін: контактілер кітабы, камера, микрофон, фотогалерея, құрылғының орналасқан жері.

1.9. Пайдалану ақысы

Vlife Операторы қосымшаны пайдаланғаны үшін ешқандай міндетті төлем алмайды. Дегенмен, басқа ұйымдар — мысалы, ұялы байланыс операторлары немесе деректер беру қызметтерін жеткізушілер — өз қызметтері үшін жеке келісімдерге сәйкес төлем ала алады.

1.10. Қосымша шарттар

Vlife Операторы Пайдаланушылармен қарым-қатынастан туындайтын өз құқықтары мен міндеттерін үшінші тұлғаларға беруге құқылы. Қосымша және ұсынылатын қызметтер техникалық себептерге байланысты уақытша толық немесе ішінара қолжетімсіз болуы мүмкін. Vlife Операторы мұндай техникалық немесе жоспарлы жұмыстарды ескертіп не ескертусіз жүргізуге құқылы. Пайдаланушы мен Vlife Операторы арасындағы қатынастар Қазақстан Республикасының заңнамасымен реттеледі. Сұрақтар немесе шағымдар туындаған жағдайда, Пайдаланушы Vlife Операторына client@vlife.kz электрондық поштасына хат жолдай алады. Даулар келіссөздер арқылы шешілуге тиіс. Келісімге келмеген жағдайда — дау Қазақстан Республикасының заңнамасына сәйкес сот арқылы шешіледі. Егер сот Шарттың қандай да бір ережесін жарамсыз деп таныса, бұл қалған ережелердің жарамдылығына әсер етпейді.

2.1. Терминдер

Логин – Пайдаланушының ұялы телефон нөмірі.

Құпиясөз – әріптер, сандар және басқа таңбалардан тұратын, тұлғаны немесе өкілеттілікті растауға арналған кездейсоқ жиынтық.

Кіру коды – Vlife-ке жылдам кіруге арналған қысқа PIN-код.

Тексеру (верификация) – Vlife қосымшасына алғашқы тіркелу кезінде бір реттік тұлғаны растау.

Аутентификация – тіркелген/тексерілген тұлғаның Vlife қосымшасына кіруін тексеру.

2.2. Деректерді сақтау

2.2.1. Vlife Пайдаланушыларының міндеттері

Пайдаланушылар логин (телефон нөмірі), құпиясөз және кіру кодын құпия сақтауға және үшінші тұлғаларға жария етпеуге міндетті. Егер бұл деректер жария болса немесе үшінші тұлғаларға қолжетімді болса, мұндай тұлғалардың Пайдаланушы атынан қосымшаға қол жеткізуі, жеке деректерге кіруі және операциялар жасауы үшін Vlife Операторы жауап бермейді. Мұндай жағдайда жасалған барлық операциялар Пайдаланушының өзі жасаған әрекеттер деп танылады. Егер аутентификациялық деректер немесе құрылғының қауіпсіздігіне қауіп төнсе, Пайдаланушы бұл туралы дереу Vlife-ке client@vlife.kz электронды поштасына хабарлауы тиіс.

2.2.2. Жеке деректерді өңдеу мақсаттары

Осы Шарттың шарттарын қабылдай отырып, Пайдаланушы өз еркімен және мүддесінде Қазақстан Республикасының «Жеке деректер және оларды қорғау туралы» Заңына сәйкес, келесі жеке деректерін өңдеуге келісім береді: тегі, аты, әкесінің аты, электрондық пошта мекенжайы, тіркелген телефон нөмірі, туған күні, өңірі, қаласы, ЖСН. Өңдеу мақсаттары:

• Vlife қосымшасын пайдалану құқығын беру;

• Пайдаланушы сұрауларына жауап беру (техникалық/сервистік қолдау);

• Vlife және оның Серіктестері өткізетін іс-шаралар туралы ақпарат жолдау;

• Vlife және Серіктестердің өнімдері мен қызметтері туралы хабарландырулар жіберу.

Деректерді өңдеу әрекеттеріне мыналар жатады: жинау, жүйелеу, сақтау, нақтылау (жаңарту, өзгерту), пайдалану, иесіздендіру, үшінші тұлғаларға беру, заңнамада көзделген өзге де әрекеттерді автоматты және автоматты емес тәсілдермен жүзеге асыру.

2.2.3. Vlife Операторының міндеттері

Vlife Операторы Қазақстан Республикасының заңнамасына сәйкес Пайдаланушының жеке деректерін заңсыз қолжетімділіктен немесе жария етуден қорғау үшін барлық қажетті шараларды қабылдауға міндетті. Бұл талаптарды орындау заң бойынша міндетті болған жағдайлардан басқа кезде сақталады.

2.3. Vlife зияткерлік меншігі

Vlife қосымшасында көрсетілетін барлық суреттер, аудио және бейнематериалдар зияткерлік меншік объектілері болып табылады. Vlife дизайны мен оның элементтеріне, бағдарламалық қамтамасыз етуіне барлық құқықтар — Vlife Операторына тиесілі. Мазмұн (мәтін, сурет, видео және т.б.) тиісті құқық иелерінің меншігі болып саналады. Осы құқықтарды бұзған Пайдаланушы Қазақстан Республикасының заңнамасына сәйкес жауапқа тартылады. Vlife-ті қолдана отырып, Пайдаланушы авторлық қорғаныс құралдарын айналып өтуге әрекет жасамайтынына кепілдік береді. Контентті Vlife аясынан тыс көшіру, өңдеу, тарату, көпшілікке жеткізу, техникалық қорғау құралдарын айналып өту немесе коммерциялық мақсатта пайдалану тыйым салынады.

2.4. Қызметтің тоқтатылуы

Vlife Операторы Vlife қосымшасының функционалын өзгертуге немесе Пайдаланушының қол жеткізу мүмкіндігін шектеуге кез келген уақытта құқылы. Бұл әрекеттер Пайдаланушы ережелерді бұзған жағдайда немесе Оператор өз қалауынша шешкен жағдайда алдын ала ескертусіз орындалуы мүмкін. Пайдаланушы кез келген уақытта Vlife қолданудан бас тарта алады.

2.5. Пайдаланушыны тексеру (верификация)

Төлем карталары арқылы транзакциялар жасау үшін Пайдаланушы бірінші сатып алу/төлем кезінде келесі әрекеттерді орындауы тиіс: Серіктесті таңдау, төлем сомасы мен параметрлерін енгізу, карта нөмірін, жарамдылық мерзімін, CVV кодты енгізу, деректерді тексеру және Vlife қосымшасындағы «Төлеу» түймешесін басу. Пайдаланушының дұрыс емес мәлімет енгізуі немесе бөгде картамен төлем жасауы үшін Vlife жауап бермейді. Транзакция мәселелері, банк немесе төлем жүйесі жағынан болған ақаулар үшін де жауапкершілік Vlife Операторына жүктелмейді. Карта эмитенттері белгілеген қосымша талаптар мен шектеулер үшін де жауап берілмейді. Әр төлем операциясы бірегей SMS-кодпен расталады (код 15 минутқа жарамды). Жаңа төлем үшін жаңа код сұралуы тиіс. Пайдаланушы кодты алмаса, «ЖІБЕРУ» батырмасын басып, қайта сұрай алады. Код келмегені үшін Vlife жауап бермейді. Төлем карталары саны мен транзакциялар лимиті — Vlife Операторымен анықталады. Vlife пайдаланушы әрекеттерін арнайы қорғалған жүйелерде 5 жыл сақтайды. CVV кодтар сақталмайды, карта нөмірлері шифрланған түрде сақталады. Vlife алаяқтық транзакциялар бойынша тергеуге көмектесуге және Пайдаланушы мүдделерін қорғауға міндетті.

3.1. Хабарламаларды жіберу

Vlife Пайдаланушысы Vlife Операторынан қосымшаны пайдалану бойынша хабарламалар алуға келісім береді. Бұл хабарламалар push-ескертулер, SMS-хабарламалар, сондай-ақ электрондық поштаға және Пайдаланушы тіркелген абоненттік нөмірге жіберілетін хабарламалар түрінде болуы мүмкін.

4.1. Терминдер

Vlife мобильді қосымшасы (бұдан әрі – Vlife) – «Grand era» ЖШС-не тиесілі, түрлі тапсырмаларды орындауға арналған бағдарламалық қамтамасыз ету.

Төлем – Vlife арқылы Тауарлар мен Қызметтерге төлеу және басқа да операцияларды Клиенттің картасы және/немесе Шоты арқылы жүзеге асыру.

Карта – Клиенттің төлем жасауға арналған банк картасы.

Жеке кабинет – Клиентті сәйкестендіру және аутентификациялау арқылы Vlife жүйесіне кіруге болатын ақпараттық кеңістік. Мұнда Клиентке электрондық банктік қызметтер және өзге де Vlife функциялары ұсынылады.

4.2 Vlife Серіктестерінің тауарларына төлем жасау тәртібі

Тауарды төлеудің үш тәсілі бар:

– төлем картасы арқылы;

– Vlife қосымшасында жинақталған Ұпайлармен;

– төлем картасы мен Ұпайларды біріктіре отырып Көптөлем жасау арқылы.

5.1. Терминдер

Vlife Клуб – бұл Vlife қосымшасында Серіктестер арқылы орындалған белгілі бір транзакциялар үшін Ұпайлар алуға мүмкіндік беретін Клиент адалдығы бағдарламасы.

Vlife Клуб мәртебесі – Vlife ішіндегі транзакциялар үшін Пайдаланушыға берілетін артықшылықтар деңгейі.

Артықшылықтар өсімі бойынша мәртебелер: Bronze, Silver, Gold, Platinum, Diamond.

Рефералдық бағдарлама – Пайдаланушыға Vlife қосымшасына достарын, туыстарын және таныстарын шақыруға арналған ыңғайлы тәсіл.

5.2. Vlife Клубқа қатысу

Пайдаланушы Vlife қосымшасына тіркелген сәттен бастап Vlife Клуб қатысушысы болады. Пайдаланушы Vlife қосымшасын және АЖҚС-те қолдана отырып көп сатып алым жасаса – мәртебесі соғұрлым жоғары болады. Белгілі бір төлем көлеміне жеткенде жаңа мәртебе тағайындалады. Жоғары мәртебе – көбірек артықшылық. Мәртебелерге сәйкес жеңілдіктер мен Ұпай есептеу шарттары Серіктестің Vlife қосымшасындағы бетінде көрсетіледі.

5.3. Рефералдық бағдарлама

Пайдаланушы достарын Vlife қосымшасына шақыру үшін Vlife Клуб бөліміне кіріп, «Досыңды шақыр» батырмасын басуы керек.

5.4. Vlife Клубтағы Ұпайларды есептеу және пайдалану мүмкіндігі

Vlife Клубта Ұпайлар Серіктестерден тауар сатып алғаны үшін есептеледі. Ұпайлар осы Шарт негізінде және Серіктес беттеріндегі пайыздық мөлшерге сәйкес есептеледі. Vlife Операторы кез келген уақытта транзакциялар саны мен Ұпай көлеміне шектеу енгізе алады.

5.5. Vlife қосымшасында 1 Ұпай = 1 теңге

Ұпайлар транзакция аяқталған сәттен бастап 24 (жиырма төрт) сағат ішінде есептеледі. Жиналған Ұпайлар Vlife Клуб бетінде көрініс табады.

5.6. Тауарды қайтару және Ұпайларды қайтару:

· Ұпайлармен сатып алынған тауарды қайтару ҚР заңнамасына сәйкес жүзеге асырылады;

· Тауар қайтарылғаннан кейін Ұпайлар 3 (үш) жұмыс күні ішінде Пайдаланушының шотына қайтарылады;

· Егер қайтарылған тауар үшін Ұпайлар есептелген болса, олар Пайдаланушы шотынан шегеріледі;

· Егер бұл Ұпайлар пайдаланылып қойған болса – Пайдаланушы шотында теріс қалдық пайда болады;

· Кейінгі есептелген Ұпайлар ең алдымен осы қарызды жабады.

5.7. Vlife арнайы шарттар орнатуға құқылы:

Ұпайларды есептеу, пайдалану, жою және олардың жарамдылық мерзімі бойынша арнайы талаптар енгізілуі мүмкін.

5.8. Vlife заңсыз есептелген Ұпайларды жою құқығын сақтайды.

Сондай-ақ, мынадай жағдайларда Vlife Клуб қатысушысын бұғаттауға құқылы:

• жалған мәлімет беру;

• қосымшаны теріс пайдалану;

• бейілділік танытпау;

• Ұпайларды заңсыз алу;

• Тауар/қызмет үшін төлем жасамау;

• манипуляциялар және Vlife мүддесіне зиян келтіретін кез келген әрекеттер.

Vlife өз мүддесі мен заңды құқықтарын қорғау үшін мемлекеттік органдарға жүгінуге, сондай-ақ жеке деректерді беруге құқылы.

5.9. Бейілділік бағдарламасы келесі тұлғаларға қолданылмайды:

Vlife Операторы мен Серіктестердің қызметкерлеріне және олардың жақын туыстарына.

6.1. Vlife қосымшасында Ұпайлар келесі жағдайларда есептеледі:

6.1.1. Пайдаланушы Vlife қосымшасында жасалған QR-кодты кассирге көрсетіп, Vlife Серіктесімен төлем жасаған кезде (банк картасы және/немесе қолма-қол ақшамен, соның ішінде Көптөлем арқылы). Ұпайлар тек төлемнің банк картасы немесе қолма-қол ақша арқылы төленген бөлігіне есептеледі. Ұпай мөлшері Серіктес бетінде көрсетілген пайызға сәйкес есептеледі.

6.1.2. Ұпай мөлшері Пайдаланушының Vlife Клубтағы мәртебесіне байланысты.

6.2. Vlife қосымшасында Ұпайлар келесі жағдайларда есептелмейді:

· Егер Пайдаланушы кассада Vlife қосымшасының QR-кодын ұсынбаса;

· Ұпайлар үшін тағы Ұпай есептелмейді (яғни, Ұпайлармен төленген сома үшін қосымша Ұпай берілмейді);

· ЖЖМ бекеттерінде сатылатын темекі өнімдері үшін;

· «Төлемдер» бөлімінде жасалған төлемдер үшін.

6.3. Ұпайларды есептеу мерзімі және қолданылу мерзімі

Vlife қосымшасындағы транзакциялар нәтижесінде (жанармай мен халық тұтыну тауарлары үшін АЖҚС-те және Серіктестер желісінде) Ұпайлар 1 секундтан 24 сағатқа дейінгі аралықта есептеледі (интернет қосылымының жоқтығы немесе техникалық ақаулар болған жағдайда – 24 сағатқа дейін кешігуі мүмкін).

Ұпайлардың қолданылу мерзімі — алғашқы есептелген күннен бастап 12 (он екі) күнтізбелік ай.

7.1. Cookie файлдары мен бақылау технологияларын пайдалану

Vlife қосымшасы пайдаланушы тәжірибесін жақсарту, аналитика жүргізу, баптауларды сақтау және интерфейсті дараландыру мақсатында cookie файлдары мен ұқсас технологияларды қолдануы мүмкін. Пайдаланушы Қазақстан Республикасының қолданыстағы заңнамасына сәйкес cookie-файлдарын пайдалануға келісім береді. Қалауы бойынша, Пайдаланушы құрылғысының баптауларында cookie-файлдарын өшіре алады, бірақ бұл қосымшаның кейбір функцияларын шектеуі мүмкін.

7.2. Техникалық ақпаратты жинау

Vlife қосымшасы автоматты түрде құрылғы түрі, операциялық жүйе нұсқасы, IP-мекенжай, қателер туралы деректер және қосымшаны пайдалану статистикасы сияқты техникалық деректерді жинайды. Бұл ақпарат тек қызметтің сапасын арттыру және қауіпсіздігін қамтамасыз ету мақсатында пайдаланылады.

7.3. Push-хабарламалар мен маркетингтік хабарламалар

Vlife Пайдаланушыға акциялар, жаңартулар, жаңа функциялар және дараланған ұсыныстар туралы ақпаратты push-хабарламалар, SMS және электрондық пошта арқылы жібереді. Пайдаланушы бұл хабарламаларды құрылғы немесе қосымша баптауларында өшіре алады.

7.4. Дараландыру және аналитика

Vlife дараланған контент пен ұсыныстарды ұсыну, сондай-ақ аналитикалық есептерді жасау үшін иесіздендірілген деректерді қолдануы мүмкін. Бұл деректер нақты Пайдаланушыны сәйкестендіруге мүмкіндік бермейді.

7.5. Жас шектеуі

Vlife қосымшасы 18 жасқа толмаған тұлғаларға да қолжетімді. Қосымшаны орнатып, тіркеуден өту арқылы Пайдаланушы (қажет болған жағдайда) заңды өкілінің келісімімен әрекет етіп отырғанын растайды және осы Офертада көрсетілген барлық шарттармен таныс екенін түсінеді. Vlife Операторы кәмелетке толмаған тұлғалардың ата-анасының немесе заңды өкілінің келісімінсіз жасаған әрекеттері үшін жауап бермейді.

8.1. Терминдер

Ойын – Vlife қосымшасына кірістірілген ойын бағдарламасы.

8.2. Vlife қосымшасында тіркеле отырып, Пайдаланушы Ойынға қатысты ережелермен келіседі. Vlife Операторы Ойынды және оның ережелерін өзгертуге, жаңартуға, өңдеуге, сондай-ақ толықтай жоюға құқылы.

8.3. Егер ойын, оның интерфейсі, процесі, ережелері немесе басқа элементтері Пайдаланушыға ұнамайтын немесе қорлайтын болып көрінсе – Vlife бұл үшін жауап бермейді.

8.4. Ойынға үшінші тұлғалардың, соның ішінде кәмелетке толмағандардың, Пайдаланушы құрылғысы немесе аккаунты арқылы кіруіне байланысты Vlife жауап бермейді.

8.5. Пайдаланушы Ойынды «қалпындағыдай» қабылдайды. Vlife Ойын ішіндегі ақаулар мен қателер үшін жауап бермейді.

Жеке деректерді жинауға, өңдеуге және сақтауға келісім

1. Деректерді жинау, өңдеу, сақтау және беру

Пайдаланушы туралы ақпаратты жинау, өңдеу, сақтау және өзге де рұқсат етілген пайдалану және беру осы №1 Қосымшада және Қазақстан Республикасының қолданыстағы заңнамасында белгіленген талаптарға сәйкес реттеледі. Осы Шартты қабылдай отырып, Пайдаланушы Vlife Операторына келесі құқықтарды береді:

· Vlife мобильді қосымшасына тіркелу барысында берілген деректерді, соның ішінде үшінші тұлғалардың қатысуымен, кез келген тәсілмен өңдеу: көшіру, электронды көшіру, иесіздендіру, бұғаттау, жою, сондай-ақ алынған деректерді өңдеу;

· Vlife Операторына жеке деректер ақпараттық жүйелерін құруға;

· Vlife Операторынан және оның Серіктестерінен, сондай-ақ аффилирленген тұлғалардан жарнамалық хабарламалар мен таралымдар алуға;

· айдаланушының телефон нөмірін және оның құрылғысындағы контактілер тізімін автоматтандырылған өңдеуге (жинау, жазу, жүйелеу, сақтау, пайдалану, жою) – ақша аудару сервисін ұсыну үшін;

· Vlife және оның Серіктестері ұсынатын тауарлар, жұмыстар мен қызметтер туралы жарнамалық және ақпараттық ұсыныстарды мобильді қосымшада орналастыруға.

Пайдаланушы өзінің құрылғысында тиісті баптауларды өзгерту арқылы контактілер тізіміндегі телефон нөмірлерінің өңделуін өшіре алады.

2. Деректерді үшінші тұлғаларға беру

Vlife Операторы қажет болған жағдайда Пайдаланушы туралы жеке деректерді үшінші тұлғаларға, олардың агенттеріне және уәкілетті өкілдеріне ашуға, сондай-ақ осындай деректерді қамтитын құжаттарды беруге құқылы.

Деректер мына жағдайларда берілуі мүмкін:

1) Пайдаланушы нақты келісімін берген кезде;

2) Пайдаланушы қосымшада әрекет жасау арқылы қызмет алуға ниет білдірген кезде;

3) Беру Қазақстан Республикасының заңнамасында көзделген жағдайда;

4) Келісімшарттық міндеттемелерді орындау қажет болғанда;

5) Пайдаланушы тапсырыс берген сатып алуды рәсімдеу үшін;

6) Пайдаланушы ниет білдірген төлемді жүзеге асыру үшін;

7) Пайдаланушының адал еместігіне күмән туындаған жағдайда (жалған ақпарат беру, теріс пайдалану, Ұпайларды заңсыз алу, төлем жасамау және т.б.), сондай-ақ мұндай әрекеттер Vlife, Серіктестер немесе үшінші тұлғаларға материалдық, беделдік және басқа да залал келтірген жағдайда.

3. Жеке деректерді келісімсіз өңдеу

Пайдаланушының жеке деректері оның келісімінсіз келесі жағдайларда өңделуі мүмкін:

• келісімшартты орындау үшін;

• сот актісін орындау үшін;

• Vlife Операторының заңды мүдделерін қорғау үшін.

4.Жеке деректерді трансшекаралық беру

Пайдаланушының келісімімен немесе келісімшартты орындау мақсатында жеке деректер трансшекаралық түрде мынадай елдерге берілуі мүмкін:

• Еуропа Кеңесінің «Жеке тұлғаларды жеке деректерді автоматты өңдеуден қорғау туралы» Конвенциясына қатысушы елдерге;

• жеке деректер субъектілерінің құқықтарын қорғауды тиісті түрде қамтамасыз ететін өзге де елдерге;

• сондай-ақ, мұндай қорғауды қамтамасыз етпейтін елдерге де заңнамаға сәйкес.

5. Келісімді қайтарып алғаннан кейін де өңдеуді жалғастыру негіздері

Егер Пайдаланушы деректерді өңдеуге келісімін қайтарып алса, Vlife Операторы келесі жағдайларда өңдеуді жалғастыруға құқылы:

• келісімшартты орындау қажет болса;

• Қазақстан Республикасының заңнамасы бойынша міндеттемелер болса;

• өзінің заңды құқықтары мен мүдделерін қорғау мақсатында;

• көрсетілген қызметтерді аяқтау үшін.

6. Жеке деректер субъектісінің құқықтары

Пайдаланушы келесі құқықтарға ие:

- Vlife Операторында өз деректерінің бар-жоғы және олардың өңдеу мақсаттары туралы ақпарат алу;

- деректерін өзгертуді, толықтыруды, бұғаттауды немесе жоюды талап ету;

- деректерді өңдеуге берген келісімін қайтарып алу (егер бұл заңға қайшы келмесе);

- Vlife Операторының әрекетіне уәкілетті органдарға немесе сотқа шағым жасау.

7. Жеке деректерді сақтау мерзімі

Пайдаланушымен жасалған келісімшарттың қолданылу мерзімімен және Қазақстан Республикасының заңнамасында белгіленген өзге де мерзімдермен айқындалады, соның ішінде ҚР Мәдениет және ақпарат министрінің 2009 жылғы 27 сәуірдегі №60 бұйрығымен бекітілген Құжаттардың үлгілік тізбесіне сәйкес.

Vlife-ке тіркеле отырып, Пайдаланушы осы Құпиялық саясатының шарттарымен таныс екенін растайды және жеке деректерінің өңделуіне келісім береді.